أردۇغان: کریمه دأکی تاتارلاری قۇلدایاریس

تۆرکیأنینگ جمهورباشلیغی رجب طیب أردۇغان کریمه دأکی تاتارلارینگ قینچیلیقلاری بارادا آچ آچان بۇلاندیقلارینی و کریمه نینگ روسیا باغلانماغینی رسمی یاغدایدا تانامایاندیقلارینی و اۇلارینگ حاقلارینی قۇراماق اۆچین ادیلیأن تاغاللالارا دۇوام ادیأندیکلرینی آیتدی.

تۆرکیأنینگ جمهورباشلیغی، اوکرایتا ساپاریندان یوردا قایدیشین اوچاردا ژورنالیستلارینگ سۇراغلارینا جۇغاپ بردی.

اوکراینانینگ یۇلباشچیسی ولادیمیر زلنسکی نینگ ده کریمه مسئله سینده توتان یرلی بۇلاندیغینی گؤره‌ندیگینی آیدان أردۇغان،

"اۇل دا ایلایتا دا کریمه تاتارلاری مسئله سینده أهمیت بریأن زاتلارینگیز نأمه دیر دییپ مونی یؤریته مانگا سۇرادی. من توتان یرلیلیگینی بیلدیردیم. حاتدا شو واغت هرسون بؤلگه سینده ۵۰۰ اؤی سالیپ بیلریس دییپ تکلیپ اتدی.  بیله لیکده سالایلی دییپ آیتدی. بیز ده قۇوی بۇلار دیدیک. شهرچیلیک وزیریمیز بیر تۇپار بیلن بیله لیکده ان شاءالله گلیپ شۇل یرده حۇرماتلی جمهورباشلیغینگ برن آدلاری بیلن دوشوشیقلار گچیریپ هایسی یرده اؤی سالینیپ بیلینر شۇل مسئله باراسیندا ایشه باشلار" دیدی.

"کیف ده کریمه دأکی تاتار دۇغانلاریمیز اۆچین متجیت، اؤی و ایش یرلریندن عیبارات بیر کمپلکس قوراریس" دیه ن أردۇغان،

"مونونگ اۆچین اۇرتاق ایش آلیپ باراریس. ۳.۳ هکتارلیق یر شۇل یردأکی دۇغانلاریمیزدان آلیندی. کریمه تاتارلاری نینگ اؤز آیاقلاریندا دورماغینه اولی أهمیت بریأریس. کریمه لی دۇغانلاریمیزا سیاسی، ایقدیصادی، دیپلماتیک و مدنی پوداقلاردا هر حیلی قۇلداوی برریس. ایلایتا دا هرسون دا ادیلجک ایشلره أهمیت بریأریس. بو أدیملر بیلن بیله لیکده سۇنرا حۇرماتلی زلنسکی بیلن شۇل یرلرده نأمه ادیپ بۇلار گۆررۆنگ ادریس" دیدی.