آذربایجان ینگ جمهورباشلیغی روسیانینگ داشاری ایشلر وزیرینی قابول اتدی

آذربایجان ینگ جمهورباشلیغی الهام علی یف، داغلیق قاراباغ مسئله سی نینگ اۆنس چکن بیر نتیجه سی نینگ بۇلماندیغی نینگ قیناندیریجی بۇلاندیغینی بیلدیردی.

علی یف، آذربایجان دا ساپاردا بۇلان روسیانینگ داشاری ایشلر وزیری سرگی لاوروف –ی قابول اتدی.

علی یف، ۲۰۱۹-نجی ییلینگ روسیا- آذربایجان آراسینداقی سؤودا قاتناشیقلاری تایدان قۇوی بیر ییل بۇلاندیغینی آیتدی و شو ییلینگ آحیرینا چنلی بو سؤودا موقداری نینگ ۲۵ گؤتریم یۇقارلاجاقدیغینی بیلدیردی.

داغلیق قاراباغ مسئله سینی ده یاتلادان علی یف،

"قینانسام دا بو مسئله ده آیدیلجاق بیر نتیجه یۇق. مونونگ اینگ اساسی سبأبی ارمنیستان دۇلانشیغی نینگ پیداسیز سیاساتی، ایلایتا دا قارابغ ینگ ارمنیستانا دگیشلی بۇلاندیغینی آیتماغی. بو سؤزلره هم سیز هم بیله کی آگیت یورتلاری نینگ باشلیقلاری تاراپیندان میناسیپ جۇغاپ بریلمه‌گینه حۇشاللیق بیلدیریأرین. بیز مینسک تۇپاری بیلن ایشلِشمأگه دۇوام ادریس. قۇلایدا آذربایجان بیلن ارمنیستان ینگ داشاری ایشلر وزیرلری دوشوشجاق. سیزینگ دا ایشجنگ یاغدایدا قاتناشماغینگیزا اینانیارین" دیدی.

لاوروف دا داغلیق قاراباغ مسئله سی اۆچین سیاسی تایدان ادیلجک کؤپ زادینگ باردیغینی آیتدی.