آذربایجان قفقاز اسلام اردوسی اۆچین یأدگیأرلیک قوردی

آذربایجان دا قفقاز اسلام اردوسی (قشونی) آدی بریلن عثمانلی قشونی نینگ ۹ سانی آدی بیلینمه یأن شهیت عسگری اۆچین یأدیگأرلیک قورالدی.

پایتاغت باکونینگ قۇلایینداقی دیگاه شأهِرچه سی نینگ قۇنامچیلیغینداقی شهیتلرینگ قبوری آبشرون ولایاتی نینگ حأکیملیگی تاراپیندان بجریلدی.

بو یأدیگأرلیگه تۆرک و آذربایجان بایداغی تیکیلدی.

یأدیگأرلیگینگ آچیلیشی اۆچین قورالان دابارا تۆرکیأنینگ ایلچیسی ارکان اؤزاورال و آبشرون ینگ ولایات حأکیمی اراده گۆل ممدووا قاتناشدی.

گۆل ممدوا تۆرک شهیت عسگرلرینگ حاطیراسینی ساقلاماغینگ بۇیونی نینگ بۇرجودیغینی آیتدی.

قفقاز اسلام اردوسی عثمانلی دؤولتی نینگ ژنراللاریندان نوری پاشانینگ تاراپیندان قورالدی.

آذربایجان جمهوریتی و داغیستان ینگ کؤمِک سۇراماغیندان سۇنگرا نوری پاشانینگ باش توتانلیغینداقی قفقاز اسلام اردوسی آذربایجانا دوغری یۇل آلدی.

شۇل قشونینگ سانیندا ۱۲ مۆنگ عسگر باردی.

گؤک چای، سالیان، آغسو و کۆردمیری بلشویک و ارمنی باش بوزارلارینگ الیندن آلان قفقاز اسلام اردوسی ۱۹۱۸-نجی ییلینگ ۱۵-نجی سنتیابریندا باکونی حالاص اتدی.

قفقاز اسلام اردوسی دینگه باکونینگ حالاص ادیلمه گی اۆچین ۱۱۳۰ شهیت بردی.

آذربایجان ینگ کؤپ سانلی یرینده تۆرک شهیتلیگی بار.