اؤزبگیستان اۇوغانیستانا الکتریک ساتووینی یۇقارلادار

اؤزبگیستان ۲۰۱۸-نجی ییلینگ آحیرینا چنلی قۇنگشیسی اۇوغانیستانا الکتریک ساتووینی یۇقارلاتماق ایسله یأر.

اؤزبک انرگو دؤولت قوراماسی اؤزبگیستان دان اؤتن ییل ۲۰۰ میلیون کیلووات ساغات الکتریک تۇغونینگ اۇوغانیستانا ساتیلاندیغینی بیلدیردی و شو ییلینگ آحیرینا چنلی اۇوغانیستانا ۲ میلیارد کیلووات ساغات الکتریک بریلجکدیگینی حابار بردی.

اؤزبگیستان ینگ تأزه قوراجاق سورحان- پل خمری الکتریک حاطی بیلن داشکنت شو ییل اۇوغانیستانا الکتریک ساتووینی یۇقارلادیپ بیلجک.

بو الکتریک گچیریجی حاطینگ اوزاقلیغی ۲۶۰ کیلومتر و ۱۵۰ میلیون دلارا قورالار.

حاطینگ لیشه باشلاماغی بیلن اؤزبگیستان اۇوغانیستانا ییللیق ۶ میلیارد کیلووات ساغات الکتریک ساتیپ بیلر.

بیله کی تاراپدان تأجیگیستان دا شو ییل ایلکینجی گِزِک اؤزبگیستان اۆستی بیلن اۇوغانیستانا الکتریک ساتدی.

تأجیگیستان شو واغتا چنلی ۱۴۰ میلیون کیلووات ساغات الکتریک ساتدی.

اؤزبگیستان ایلکینجی گِزِک اۇغانیستانا ۲۰۰۲-نجی ییلدا ۶۲ میلیون کیلووات ساغات الکتریک ساتیپدی.

تۆرکمنیستان و ایران دا اۇوغانیستانا الکتریک تۇغینی ساتیان یورتلارینگ آراسیندا.

اۇوغانیستان الکتریک یتمه‌زچیلیگی اۆچین قۇنگشی یورتلارینگ الکتریک تۇغونا مأتأچ.