کرکوکدا ۴۰ مۆنگ سایلاوچی سایلاوا قاتناشیپ بیلمهیأر
عیراقدا سایلاوا سیانلیجا گۆن قالدی
عیراق دا ۱۲-نجی مای دا سایلاو گچیرلر.
کرکوک شأهِری نینگ گۆن اۇرتاسینداقی محله لرده ۴۰ مۆنگ سایلاوچی نینگ سایلاوا قاتناشماغی نینگ اؤنگۆنه گچیلدی.
کرکوک داقی عبید طایپاسی نینگ باشلیغی غسان عاصی عمومی سایلاوا قاتناشماق اۆچین بریلن چیپلی کارت باراسیندا عادالاتسیزلیق ادیلندیگینی آیتدی.
عاصی عیراق قشونی تاراپیندان ترور قوراماسی داعش دن صاپلانان یرلرده ۴۰ مۆنگ آداما شۇل کارتلاردان بریلمأندیگینی آیتدی.
مونونگ قانونا باپ گلمه یأندیگینی آیدان عاصی، بو مسئلأنینگ سیاسی ماقصاتلار اۆچین ادیلندیگینی و سایلاوا تأثیر یتیرجکدیگینی نیغتادی.
کرکوک ینگ گۆن اۇرتاسینداقی هویجه و اۇبالارینا اینگ قیسغا واغتدا کارتلارینگ بریلمه گینی ایسله یأن عاصی شۇل کارتلارینگ باشغا آداملار تاراپیندان اولانیپ بیلینجکدیگینی بیلدیردی.
شأهِردأکی عاراپلار بو کارتلارینگ سایلاو کمیساریاسی نینگ کرکوک اداراسی تاراپیندان بریلمه یأندیگینی آیدیار.
۲۴ میلیون سایلاوچیسی بۇلان عیراق دا کرکوک شأهِری ۱۳ مجلیس وکیلینه ایه.
دِگیشلی حابارلار
نعمان قورتولموش اؤزبگیستان دا
نعمان قورتولموش اؤزبگیستان ینگ یوُقاری مجلیسی نینگ باشلیغی نورالدین جان اسماعیلوف بیلن دوشوشدی
اؤزبگیستان ینگ جمهورباشلیغی ایران ینگ ایلچیحاناسینا باریپ دویغوداشلیق بیلدیردی
اؤزبک یوُلباشچی ایران ینگ داشکنت شهریندأکی ایلچیحاناسینا باردی