آذربایجان ینگ کیتاپ سرگیسی آچیلدی
آذربایجان دا تۆرک کیتاپلارینا قیزیقلانما بار
آذربایجان ینگ پایتاغتی باکودا ۵-نجی حالقارا کیتاپ سرگیسی آچیلدی.
سرگی نینگ آچیلیش داباراسینا باش وزیرینگ اۇرونباساری الچین افندی یف و مدنیت و سیاحاتچیلیق وزیری ابوالفضل قارایف قاتناشدی.
سرگیده، تۆرکیه جمهوریتی نینگ مدنیت و سیاحاتچیلیق وزیرلیگی نینگ باش توتانلیغیندا باکوآ گلن تۆرک نشریات مرکزلری ده کیتاپلارینی سرگیله یأر.
سرگیده گِزِن افندیف بیلن قارایف، تۆرک بؤلۆمینه باریپ کیتاپلار باراسیندا ماغلومات آلدی.
تۆرکیأنینگ ایلچیحاناسی نینگ مدنیت و تانادیلیش گنگه شچیسی عرفان چیفتچی، تۆرکیأنینگ سرگی نینگ اینگ اولی قاتناشیجیسی بۇلاندیغینی نیغتادی و مدنیت و سیاحاتچیلیق وزیرلیگی نینگ بو سرگیده اینگ اولی یره ایه بۇلاندیغینی آیتدی.
وزیرلیگینگ قۇلداوی بیلن بو سرگأ ۱۵ نشریات مرکزی قاتناشدی.
۵ نشریات بۇلسا آیراتین یاغدایدا اؤزلری قاتناشدی.
آذربایجانلی حالق بۇلسا سرگی نینگ تۆرک بؤلۆمینه اولی قیزیقلانما گؤرکِزیأر.
۳۰-نجی سنتیابرا چنلی دۇوام اتجک بو سرگأ ۱۰۰ یرلی، ۴۰ داشاری یورتلی نشریات مرکزی قاتناشیار.
دِگیشلی حابارلار
تۆرکمنیستان ینگ آنلاین تیجارت بازاری ۳۷۰ میلیون دلار
2029-نجی ییلا چنلی تۆرکمنیستان دا آنلاین سؤودا بازاری 544 میلیون دلارا یتر