قازاغیستان بیرلشن میللتلر قوراماسی نینگ حۇوپسوزلیق گنگه‌شی‌نینگ آغضاسی

قازاغیستان ۲۰۱۷-نجی ییلینگ باشیندان بأری ۲ ییللیغینا بیرلشن میللتلر قوراماسی نینگ حۇوپسوزلیق گنگه‌شی نینگ واغتلایین (موقت) آغضاسی بۇلدی.

قازاغیستان ینگ جمهورباشلیغی نورسلطان نظربایف یوردونینگ بو قوراما آغضا بۇلشی بارادا، بۆتین یورتلارا آچیق، دنگ آغراملی بیر آغضالیق گچیرجکدیگینی بیلدیردی.

قازاغیستان ینگ داشاری ایشلر وزیری غایرات آندرحمانوف نیویورک دا گچیریلن "چاقنیشیقلارینگ دوروزیلماغی و پاراحاتچیلیغینگ قۇرالماغی" آدینداقی ماصلاحاتیندا نظربایووینگ بیاناتینی اۇقادی.

نظربایف بیاناتیندا قازاغیستان ینگ اتمی یاراغدان صاپلانان بیر دۆنیأنینگ دیکه‌دیلمه‌گی و گلوبال ساواش تهدیدی نینگ اؤنگۆنه گچیلمه‌گی حاقیندا قۇشانت قۇشجاقدیقلارینا اۆنس چکیأر.

قازاغیستان ینگ جمهورباشلیغی، اۇوغانیستان داقی دورنوقلیلیغینگ قۇلدانماغی و اۇرتاآسیادا پاراحاتچیلیغینگ یۇلا قۇیولماغی باراسیندا دا آستانانینگ یۇلباشچی حؤکمۆنده بۇلجاقدیغینی آیدیار.