تۆرکیستان "تۆرک دۆنیأسی نینگ ۲۰۱۷-نجی ییلداقی پایتاغتی"

آذربایجان دا گچیریلن حالقارا تۆرک مدنیت قوراماسی تۆرکسۇی یینگ ۳۴-نجی دؤوۆر همیشه لیک گنگه شی نینگ ماصلاحاتیندا، قازاغیستان ینگ تۆرکیستان شأهِری ۲۰۱۷-نجی ییلدا تۆرک مدنیت پایتاغتی حؤکمۆنده سایلاندی.

تۆرکسۇی قوراماسینا آغضا یورتلار ۲۰۱۶-نجی ییلدا تۆرک دۆنیأسی نینگ پایتاغتی حؤکمۆنده سایلانان شکی شأهِرینده قورالان دابارا قاتناشدی.

ماصلاحاتا آذربایجان، قازاغیستان، قیرغیزیستان، تۆرکیه، تۆرکمنیستان، مولداوی نینگ گاگائوز یری و دمیرقازیق قبرس تۆرک جمهوریتی نینگ وزیرلری قاتناشدی.

میلادی ۴-نجی عاصیردا قورالان، اۇزالقی آدی یسی بۇلان تۆرکیستان، حۇجا احمد یسوی نینگ دۇغلان یریدیر.

قازاغیستان ینگ بۆتین دۆنیأ میراثی ساناویندا یر آلان حۇجا احمد یسوی قۇنامچیلیغی ۱۴-نجی عاصیردا امیر تیمور تاراپیندان قورالیپدی.

بو شأهِرده ۱۹۹۲-نجی ییلدا  حۇجا احمد یسوی قازاق- تۆرک بیلیم یوردی قورالیپدی.

۲۰۱۷-نجی ییل آذربایجان ینگ تکلیبی بیلن "ملا پناه واقف" ییلی بۇلدی.

۳۰۰ ییل موندان اۇزال آذربایجان ینگ قازاق دییلن یرینده دۇغلان ملا پناه واقف آذربایجان تۆرکچه سینده یازان قۇشغیلاری بیلن تانالیار.