تۆرک دیللی دؤولتلرینگ مدیا فۇرومی
فۇروما تۆرک دۆنیأسینی عمله گتیریأن ۲۱ دؤولتدن و حالقدان ۱۰۰-ِه قۇلای مطبوغات ایشگأری قاتناشیار
تۆرک دیللی دؤولتلرینگ مدیا فۇرومی تۆرک دییللی دؤولتلرینگ و حالقلارینگ مدیا فۇرومی دمیرقازیق قبرس تۆرک جمهوریتینده اؤز ایشینه باشلادی.
فۇروما تۆرک دۆنیأسینی عمله گتیریأن ۲۱ دؤولتدن و حالقدان ۱۰۰-ِه قۇلای مطبوغات ایشگأری قاتناشیار.
فۇرومینگ آچیلیشینا تۆرکیأنینگ مجلیسینینگ باشلیغی جمیل چیچک، باشوزیرینگ اۇرونباساری بۆلِنت آرینچ، دمیرقازیق قبرس تۆرک جمهوریتینینگ مجلیسینینگ باشلیغی سیبل سیبر و دمیرقازیق قبرس تۆرک جمهوریتینینگ باشوزیری اؤزکان یۇرغانجیاۇغلی قاتناشدی.
فۇرومدا تۆرک دۆنیأسینده باشدان گچیریلیأن مسئلهلرینگ دۆنیأ جمغیتچیلیگینینگ گۆنترتیبینه یترلیک درجهده یتیریلیمهیأندیگی نیغتالدی.
جمیل چیچک سؤزلأن سؤزۆنده تۆرک دۆنیأسیندأکی مسئلهلرینگ أهلی تاراپلایین دۆنیأنینگ دیقغاتینا یتیریلمهگینینگ مؤهۆمدیگینی آیتدی.
بۆلنت آرینچ بۇلسا قبرسینگ تۆرک حالقینینگ یرلیکلی غۇغاسینی بۆتیندۆنیأ دۆشۆندیرمهکده قینچیلیق چِکیأندیگینی بِللأپ، مطبوغات ایشگأرلرینینگ مسئلأ اۆنسلی چمهلهشمهکلرینی ایسلهدی.
دمیرقازیق قبرس تۆرک جمهوریتینینگ باشوزیری اؤزکان یۇرغانجیاۇغلی بۇلسا ۵۰۰ ییلدان قۇوراق واغت بأری آدادا یاشایان تۆرکلرینگ دیلی و مدنیتی بیلن ارکین یاشاماق اوغروندا گؤرهشیأندیکلرینی یاتلاتدی.
ارتیر اؤز ایشینی تاماملاجاق فۇرومدا مدیانینگ دیلی، باشدان گچیریلیأن واقالار و ماغلومات آلیش- چالشی یالی اوغورلاردا پیکیر آلیشیلار.
دِگیشلی حابارلار
تۆرکمنیستان ینگ آنلاین تیجارت بازاری ۳۷۰ میلیون دلار
2029-نجی ییلا چنلی تۆرکمنیستان دا آنلاین سؤودا بازاری 544 میلیون دلارا یتر