ساواش، دیپلماسی و سوریأنینگ تراژدیسی

سوریه دأکی ساواشینگ اۇرتا قۇیان زاتلاریندان بیری دیپلماسی نینگ دینگه شۇل یرده عادالاتلی بیر گۆیچ دنگ آغراملیلیغی بۇلان ماحال ماغنالی بیر زات بۇلاندیغی.

گۆن باتار میللتلر سوریه ده سیاسی چؤزگۆت باراسیندا پیکیر ادیأرکأ روسیا واقانی اۆیتگه تمه ک اۆچین عسگری حرکتلرینی یۇقارلاتماغا دۇوام ادیأر.

۱۱-نجی فورال ینگ گیچ ساغاتلاریندا دوشمانلیقلارینگ بس ادیلمه گی اۆچین قۇل چکیشیلن مونیخ شرطناماسی نینگ بۇلسا سوریه دأکی یاغدایی اۆیتگه تجکدیگی مۆمکین گؤرۆلمه یأر.

سۇنگقی ایکی آی ایچرسینده مسکو بیلن بیله لیکده مؤهۆم پایداشلار سوریه ده عسگری چؤزگۆت یۇق دییپ ایزلی ایزینا دیپلماتیک چؤزگۆت باراسیندا سؤز بردیلر.

اِمما روسیا- ایران- سوریه رژیمی نینگ بیله لیکده لیگی مونونگ ترسی نینگ دۇغری بۇلاندیغینی ثبوت اتدی.

ژنودأکی دوشوشیقلاردا بیرلشن میللتلر قوراماسی نینگ ۲۲۵۴ نۇمرلی قارارینا شرط قۇشولدی.

انسانی کؤمِک بیلن توسساغلیلارینگ آزات ادیلمه گینی و شیله زاتلاری یۇق ادن بو عسگری حرکتلردیر.

شو واغت اساسی اپوزیسیونی وکیلچیلیک ادیأن یۇقاری دوشوشیقلار کمیته سی نینگ ژنودأکی دوشوشیقلارینا قاتناشماغی ۲۲۵۴-نجی نۇمرلی قارارینگ ایشه گیریزیلمه گینه باغلیدیر.

ریاض حجاب ینگ یۇلباشچیلیغینداقی سوریه دأکی اپۇزیسیون ۲۵-نجی فِورالا سۆیشۆریلن دوشوشیقلار حاقیندا شبهه لی بۇلماق اۆچین بۆتین سبأپلره ایه دیر. بیرلشن میللتلر قوراماسی، دوشوشیقلارا بشلاماق اۆچین قۇیان شرطلرینی یرینه یتیرمه کدن عجیزدیر.

دیپلماسی نینگ اۇیناجاق رُلی اولیدیر. اِمما اگری اۇتوریپ دۇغری گۆررۆنگ بره لینگ.

کرملین بیر تاراپدان آغیر و دیرجانان گپله شیکلره قاتناشیاندیغینی گؤرکِزمه ک اۆچین دۆنیأنینگ هر تاراپینا داشاری ایشلر وزیرینی ایبریأر، باشغا تاراپدان دا سوریه ده ساواشان گۆیچلرینگ دنگ آغراملیلیغینی اۆیتگه تمه ک اۆچین ساواش اوچارلارینی ایبریأر.

روس دیپلماسیسی سوریه دأکی روس عسگری حرکتینی گیزله مه ک اۆچین اولانیلیار. بیله کی تاراپدان سوریه دأکی روس عسگری هۆجۆملری روسیانینگ سبأپ بۇلانی و هیچ زادی چؤزگۆده قۇشوریلمان اوکراینا مسئله سی نینگ اۆستۆندأکی اۆنسلری ده اؤزۆندن اوزاقلاشدیریار.

روسیا آسودا ایلاتی بُمبالاپ، کؤپ تۇپارلی بۇسغون مسئله سینی دؤره تمه ک ایسله یأر و شیله لیک بیلن اوروپا و تۆرکیأنی جزالاندیرماق ایسله یأر.

بیر تاراپدان دا آمریکا اؤز استراتژیک یرله شیشی باراسیندا سارغیت ایبریأر. روس باش توتان ولادیمیر پوتین گۆن باتارینگ بیر نتیجه آلمازلیغینی کؤپ اوغوردا اولانیار.

رژیم عر گۆن اۇنلارچا آدامی اؤلدۆرمأگه دۇوام ادیأرکأ، داعشه قارشی تک تاراپلی استراتژی نینگ آحلاقی مشروعلیغینی سۇراماق ضروردیر.

هۇوا داعشه قارشی ساواش دۇوام اتمه لیدیر و داعشی ینگمه ک گرِکلیدیر. اِمما بو، سوریأنینگ باش توتانی بشار اسد و اۇنگا قۇلداو برنلره بیر ساواش ینگیشینی برمه لی دألدیر.

مۆنگلرچه سوریه لی داعش قوراماسیندان کؤپ اسد رژیمی نینگ دؤولت ترورچیلیغی و روس بمباردیمانلاریندان قاچیار.

آمریکانینگ سوریه باراسینداقی استراتژیسی حاقیندا تانقیتلی توتوم ادن لوران فابیوس، فرانسیانینگ داشاری ایشلر وزیرلیگیندن آیریلیارقا، آمریکانینگ سوریه دأکی یاغدایینی نأبِللی و "گۆیچلی بیر توتان یرلیلیکدن" داشدیر دییپ آیدیپدی.

بیله کی تاراپدان فابیوس آمریکانینگ شیمیایی یاراغلار اۆچین قۇیان قیزیل چیزیغی نینگ گچیلمه گیندن سۇنگراقی حرکتسیزلیگی نینگ پوتینی اوکراینا و سوریه ده یۆرکلی ادندیگینی نیغتادی.

فابیوس ینگ بو سؤزۆنی تاصصیقلایان یالی آمریکا، روسیا و اسد رژیمینه شۇل یرده اولی بیر عسگری اۆستۆنلیک برمه گی باهاسی بیلن اؤز عسگری قۇلداوی نینگ هممه سینی PYD و اۇنونگ عسگری قۇلی بۇلان YPG تۇپارینا بریأر.

PYD و YPG، آمریکا، روسیا و اسد رژیمی نینگ هممه سینه مۆشدری بۇلوپ اۇلاردان یاراغ، مهمات و گیزلین حابار و هۇپا قۇراغینی آلیار.

بو سبأپلی اؤزۆنی شۇل بیر واغتدا داعشه قارشی اینگ گۆیچلی تۇپار حؤکمۆنده ساتیپ بیلیأر.

شیله بیر اولی قۇلداو آلان هر گۆیچ داعشه قارشی اینگ اولی گۆیچ بۇلار.

اِمما PYD داعشه قارشی ساواش آدی بیلن سوریأنینگ دمیرقازیغیندا ایغلان ادن اؤزباشداق بؤله گی نینگ اساسلارینی اؤسدۆریأر.

شو واغتلاردا، اؤزلرینه نأچه گِزِک قۇوی کؤمِک بریلجِگی و ساپاق بریلجِگی بارادا سؤز بریلن سوریه دأکی محالیف گۆیچلر بیر تاراپدان روسیا و رژیمینگ گۆیچلری تاراپیندان اورولیار، باشغا تاراپدان دا داعش ینگ هۆجۆملرینه سزه ور بۇلیار.

۱۰-نجی فورال بو یاغدایینگ بیر میثالیدیر. روسیانینگ گۆیچلی هۇوا قۇلداوینی آلان YPG تۇپاری، سوریه لی محالیف تۇپارلارا هۆجۆم اتدی و منغ قۇنالغاسینی اله گچیردی. هِدِپ آفرین آدینداقی یرینگ قۇلایینداقی عاراپ اۇبالاری آلیپ PYD-نینگ شۇل یردأکی آلان یرلرینی کؤپه لتمه ک.

شو ماقالا یازیلان ماحالی، YPG گۆیچلری اعزاز شأهِری نینگ داشیندا، حلب و تۆرکیأنینگ آراسینداقی یۇلدا قاراشیاردیلار.

قیناندیریجی زات دا شو: اؤتن ییل کۇبانی دا PYD-نینگ کؤمِگینه گلن آزات سوریه قشونی، شو واغت کوبانی نی داعش دن حالاص اتمه ک اۆچین قۇلداو برن گۆیچلری نینگ هۆجۆمینه سزه ور بۇلیار.

بو قینانچ بیر یاغدای و ژنودأکی دوشوشیقلارینگ دا نأمه نتیجه برجِکدیگی بِللی دأل.

شو واغتلاردا آنکارا تاراپیندان تکلیپ ادیلن و گۆن باتار تاراپیندان هیچ بیر سبأپ آیدیلمان رِت ادیلن سوریه دأکی عیلیملی محالیفلارینگ قۇلدانماغی و سوریه لی بۇسغونلار و یؤنه کی حالق اۆچین سوریه ده حۇوپسوز بؤلگه لرینگ قورالماغی، آتلانتیک آشا تؤوه رکلر تاراپیندان اۆنس بریلمأگه باشلاندی.

اؤتن ییل بیر تۇپار قادیمی دیپلمات، آمریکانینگ یۇلباشچیسی باراک اۇباما سوریأنینگ دمیرقازیغیندا تۆرکیأنینگ سرحدینده حۇوپسوز یرلرینگ قورالماغی باراسیندا چاغیریش ادیپدی.

آمریکانینگ سوریه دأکی اۇزالقی باش ایلچیسی رابرت فورد، ۲۰۱۵-نجی ییلینگ ۹-نجی مارتیندا شیله یازیپدی: "سوریأنینگ محالیفلارینی قۇراماق ماقصادی بیلن اوچوشا قاداغان ایغلان ادیلن یر دؤره دیلمه لی. شو تکلیپ، دۇلانشیغینگ اوزاق واغتدان بأری قابول اتمه یأن تکلیپی"

آمریکالی قادیمی دیپلمات فدریک ج. هوف : اگر گینگ هۇوادان اوچوشا قاداغان یر، اسد رژیمی نینگ شار بمبالاریندان حالقی قۇراسا داعش تأزه آغضا آلماق اۆچین اساسی چشمه دن ماحروم قالار.

آن ماری سلاتر ده "اوچوشا قاداغان ایغلان ادیلن یر قوراپ، آمریکا و اۇرتاقلاری اسده صابیرلاری نینگ تۆکِنه ندیگینی و سوریه لیلرینگ سوریه ده قۇرانماغی اۆچین طایاردیقلارینی گؤرکِزر".

اؤتن ییلدان بأری کؤپ زات بۇلدی و روسیا اؤز پلانلاری اۆچین گرکلی بۇلان اوچوشا قاداغان زۇلاغی دؤره تدی. ینه ده حۇوپسوز بؤلگه پیکری سوریه حالقینی حالاص اتمه ک شانسی اۆچین و یؤنه کی رایاتلارینگ روسیه و اسد رژیمی تاراپیندان عسگری بولدوزرلر بیلن اؤلدۆریلمه گی نینگ اؤنگۆنه گچمه ک اۆچین ضرور.

سوریه دأکی ساواشینگ اۇرتا قۇیان زاتلاریندان بیری دیپلماسی نینگ دینگه شۇل یرده عادالاتلی بیر گۆیچ دنگ آغراملیلیغی بۇلان ماحال ماغنالی بیر زات بۇلاندیغی.

اگر موندان بیلأک سوریه باراسیندا گچیریلجک دوشوشیقلارینگ بیر ماغناسی نینگ بۇلماغی ایسله نیأن بۇلسا، حالقارا جمغیتچیلیگینگ برک قۇلداوی بۇلمالیدیر.

سوریه دأکی محالیفلارا قۇلداو بریلمأنی، سوریه دأکی آسودا ایلاتا حۇوپسوز (امن) بؤلگه دؤره دیلمأنی دیپلماسیا دۇوام اتدیرمه ک دینگه ساواشداقی ییتگیلری یۇقارلادار.