گؤزۆمیزده یاش قالمادی

ترور قوراماسی پ. ک. ک تاراپیندان قاچیریلان چاغالارینگ انه آتاسی چاغالارینی ایسلِه‌یأر

گؤزۆمیزده یاش قالمادی

 

۲۲-نجی آگوست دا دیاربکرده هاجیره آقار آدلی انه، اۇغلی محمت آقارینگ داغا قاچیریلماغینا حالقلارینگ دموکراتیک پارتیاسی (HDP) نینگ کؤمِکچی بۇلاندیغینی آیدیپ پارتیانینگ ولایاتداقی مرکز بیناسی نینگ اؤنگۆنده اۇتورما حرکتینی باشلادیپدی.

اۇغلی نینگ ترورچیلیغا قوربان ادیلمه گینی ایسله مأنی اۆچین باشلادان اۇتورما حرکتیندن نتیجه آلان آقار توتان یرلی گؤره‌شی بیلن ۲۴-نجی آگوست دا اۇغلونا قۇویشیپدی. هاجیر انه نینگ اۇغلی اۆچین گؤرکِزه‌ن گؤره‌شی یاسلی بیله کی انه لره ده گؤره‌لدِه بۇلدی.

ماشغالا سانی ۵۵-ِه یتدی

آقارینگ گؤره‌شیندن گؤره‌لدِه آلان فوزیه چتین قایا، رمزیه آق قویون و عایشه گۆل بیچر ده ۳-نجی سنتیابردا اۇتورما حرکتینه باشلادی و شو واغتا چنلی بو حرکته قۇشولان ماشغالالارینگ سانی ۵۵ ماشغالا یتدی.

پارتیانینگ ولایاتی نینگ مرکزیندأکی جایی نینگ اؤنگۆنده گۆن بۇیی چاغالارینا قۇویشماغا قاراشیان انه لرینگ اۇتورما حرکتینه کؤپ یردن قۇلداو بریلدی.

باشدا ایچری ایشلر وزیری سلیمان سۇیلو و ماشغالا وزیری زهرا زمرد سلجوق بۇلماق بیلن، شهیتلرینگ ماشغالالاری، سیاساتچیلار، صونغات اوسساتلاری، ژورنالیستلار، یازیجیلار، جمغیتچیلیک قورامالاری نینگ وکیللری یالی حالقینگ کؤپ سانلی قاتلاغی بو حرکته قۇلداو بریأندیکلرینی بیلدیردی.

اللرینده چاغالاری نینگ صوراتی بیلن اۇتروما حرکتینه دۇوام ادن انه لر، کۆیسأن چاغالارینا قۇویشماق اۆچین حرکتلرینه دۇوام ادیأرلر.

"یاشاییشیمیزی یۇق اتدیلر"

۴ ییل موندان اۇزال ایستامبول‌دان داغا قاچیریلان اۇغلی محمت اۆچین دیاربکره گلیپ اۇتورماغا باشلان عیممی‌حان نیلیفیرقا دا اؤز اۇغلونا قۇویشماق ایسله‌یأندیگینی آیدان انه لردن بیری.

چاغاسی نینگ قاچیریلماغیندان ح. د. پ نینگ جۇغاپکأر بۇلاندیغینی آیدان نیلیفیرقا "ح. د. پ چاغامی قاچیردی، بیلیأرین. ماشغالا اؤلِن یالی یاغدایدا. چاغامی قایتارسینلار. اۇندان نه حابار آلیپ بیلیأرین نه تلفن ادیأر. چاغامی قاچیردیلار، یاشاییشیمیزی سؤندۆریلر. گؤزۆمیزده یاش قالمادی. چاغامدان نأمه ایسله‌یأرلر؟ اۇغلوم قارینچا ضِلِل برمه یأن بیری، اۇقوو یاغدایی دا قۇویدی"  دیدی.

نیلیفیرقا ۲ آیدان بأری اۇتورما حرکتینه باشلاندیقلارینی آیدیپ ح. د. پ. دن بیاناتا قاراشیاندیقلارینی دا نیغتادی.

"گلیپ بیزه ماغلومات برسینلر. اۇلار دا کۆرت بۇلسا گلیپ آرامیزا اۇتورسینلار. من شیله کۆرتلیگی ایسله‌مه‌یأرین. من ده کۆرت. چاغامیزینگ اۆستی بیلن سیاسات یؤره‌تمه‌سینلر. اۇغلومیزینگ ارکینلیگینی، گلجگینی الیندن آلدیلار" دیه‌ن نیلیفیرقا، چکیأن قینچیلیغینی بیلدیردی.

نیلیفیرقا "بو حرکتیمیزی آحیرینا چنلی دۇوام اتدیرِریس" دییپ بِلله دی.

"چاغالاریمیزی آلمانی بو یردن گیتمه‌ریس"

۵ ییل موندان اۇزال ۱۴ یاشینداقی اۇغلی تونجای یینگ ایستامبول دان داغا قاچیریلاندیغینی آیدان و شۇل سبأپلی اۇتورما حرکتینه باشلان فاطما بین‌گؤل ۵ چاغانینگ انه سی. فاطما انه ده چاغاسینی گؤره‌سی گلیأندیگینی آیتدی و اۇنگا قۇویشماق ایسله یأندیگینی نیغتادی.

بین گؤل ۵ ییلدان بأری اۇغلونی گؤرمأندیگینی آیتدی و "چاغالاریمیزی گتیرسینلر. مونچا انه بو یرده قاراشدیریلماسین، انه لره اربت گۆنأ ایش ادیأرلر . مونچا انأنی آغلاتماغا، اۇلاری اذیت اتمأگه، قینچیلیق چکدیرمأگه حاقلاری یۇق. هممأمیز بیره‌ک بیر‌ه‌گه بۇلدیق، چاغالاریمیزی آلمانی بو یردن گیتمه‌ریس. گره‌ک بۇلسا بیزی اؤلدۆرسینلر. اؤلۆمدن قۇرقامایاریس" دید ی.

"پ. ک. ک نینگ کۆرتلره ادیأن بو ظلمینی گؤرسینلر"

قوللوق اۆچین باریارقا ۲۰۱۵-نجی ییلینگ ۲-نجی اکتبریندا تونجلی نینگ پۆلۆمۆر شهرینده ترورچیلار تاراپیندان قاچیریلان اۇغلی مسلم اۆچین اۇتورما حرکتینه باشلان سۇنگۆل آلتین‌تاش دا ۴ ییلدان بأری اۇغلیندان حابار آلیپ بیلمه‌یأندیگینی آیتدی.

"۶۰ گۆندن بأری شو یرده بیز، ۶۰ ییل دا گچسه ینه شو یرده دیرس. چاغامیز گلینچأ بو یردن گیتمه ریس" دیه ن آلتین تاش، چاغالاری داغا قاچیریلان انه لرینگ هِممه سی نینگ شو حرکته قاتناشماغینی ایسله دی.

آلتین تاش شیله دییأر:

"کۆرت انه لری موندان بیلأک اۇیانسین، چاغالاری گؤزلری نینگ اؤنگۆنده گیدیأر. اۇیانسینلار و پ. ک. ک نینگ کۆرتلره ادن بو ظلمینی گؤرسۆنلر. بولار نه انه لره، نه آتالارا نه ده چاغالارا رحم اتمه یأر. مونی دۆشۆنسینلر. بیزینگ یکه تأک دوشمانیمیز پ. ک. ک"

"قیزیم گلینچأ بو یردن گیتمه‌ریس"

۴ ییل موندان اۇزال آغری دان ۱۷ یاشینداقا داغا قاچیریلان قیزی چیگدم اۆچین بو حرکته قاتناشان یاسین قایا دا چاغاسینا قاراشیاندیغینی آیتدی.

حرکته قاتناشان بۆتین انه و آتالارینگ قاردا قیشدا چاغالارینا قاراشماق اۆچین شو یرده اۇتورجاقدیغینی آیدان قایا،

"ماغلومات برمه کلرینه قاراشیاریس. قیزیم گلینچأ بو یردن قیمیلداماریس. اۇلار کۆرت بۇلاندیقلارینی آیدیار، اۇلار کۆرت دأل. آصیل کۆر بیزلر. بیزینگ چاغامیزی داغا قاچیران ح. د. پ. بو یره گلیپ "پ. ک. ک لعنت، بیز پ. ک. ک دان دأل" دیسینلر. بیز ده بو یردن گیدریس. بیز اۇلارینگ جۇغاپکأردیگینی آیدیاریس" دیدی.

 



دِگیشلی حابارلار