نور شمس بوُسغون دۆشِلگه‌سینده اؤلِنلرینگ سانی یوُقارلادی

ایسرائیل ینگ قشونی گۆن باتار باندداقی نور شمس بوُسغون دۆشِلگه‌سینه (کمپینه) هۆجۆم قورادی.

هۆجۆمده اؤلدۆریلن فلسطینلی‌لرینگ سانی 13 آداما یتدی.

فلسطین ینگ ساغلیغی قوُراییش وزیرلیگی ایسرائیل ینگ قشونی نینگ بو دۆشِلگه‌ده قیرغینچیلیق ادندیگینی بیلدیردی.

اؤلِن فلسطینلیلرینگ آراسیندا 5 سانیسی چاغا.

ایسرائیل قشونی دۆین ارتیر بیلن بولدوزر و حاربی اولاغلار بیلن طولکرم شهریندأکی نور شمس دۆشِلگه سینه هۆجۆم قوراپ، 30 ساغات سوُنگرا بو یردن چیقیپدی.

ایسرائیل شوُل یرده فلسطینلیلر بیلن بوُلان چاقنیشیقدا 1 پلیسی نینگ اؤلِندیگینی و 9 آدامی نینگ یارالاناندیغینی بیلدیریپدی.

ایسرائیل نور شمس بوُسغون دۆشِلگه سینده 10 آدامی دا توسساغ ادندیگینی حابار بریپدی.