روسیا ژاپن ینگ ۵ بالیقچی گأمیسینی ساقلادی

روسیا ژاپن ینگ ۵ بالیقچی گأمیسینی ساقلادی.

ژاپن ینگ کیودو حابار سریشده سی نینگ حابارینا گؤرأ ژاپن ینگ داشاری ایشلر وزیرلیگی، روسیانینگ دنگیزیاقا حۇوپسوزلیق گۆیچلری نینگ تاراپیندان ساقلانان بالیقچی گأمیلری نینگ روسیانینگ الیندأکی کوناریشی آداسینا ایبریلندیگینی مألیم اتدی.

ژاپن ساقلانان گأمیلرینگ ۲۴ پرسنلی نینگ آزات ادیلمه گینی ایسله دی.

ژاپن حؤکۆمتی نینگ مطبوغات گنگه شچیسی گأمیلرده ایشله یأنلرینگ ساغلیق یاغدایی نینگ قۇوی بۇلاندیغینی پیکیر ادیأندیگینی آیتدی.

روسیا بیلن ژاپن ۲-نجی جاهان اورشیندان سۇنگرا روسلارینگ "کوریل آدالاری"، ژاپنلارینگ "دمیرقازیق بؤلگه لری" دییپ آیدیان آدالاری سبأپلی ایلالاشیپ بیلمه یأر.

ایکی یورت شۇل مسئله سبأپلی رسمی پاراحاتچیلیق شرطناماسینا قۇل چکمه دیلر.

آدالارا گیرن شوروی نینگ عسگرلری ۱۹۴۹-نجی ییلدا بۆتین ژاپن رایاتلارینی شۇل آدالاردان قۇویپدی.