اوروپا بیله له شیگی نینگ رایات سانی ۵۱۳.۵ میلیونا یتدی

۲۸ یورتدان عیبارات بۇلان اوروپا بیله له شیگی نینگ رایاتی نینگ سانی ۲۰۱۹-نجی ییلدا ۵۱۳.۵ میلیون سانینا یتدی.

یوروست ینگ برن ماغلوماتینا گؤرأ ۲۰۱۸-نجی ییلینگ باشیندا ۵۱۲.۴ میلیون رایاتا ایه بۇلان اوروپا بیله له شیگی شو ییلینگ باشیندا ۵۱۳.۵ میلیون رایات سانینا یتدی.

آلمانیا ۸۳ میلیون رایاتی بیلن اوروپا بیله له شیگی نینگ اینگ اولی یوردی.

۶۷ میلیون بیلن فرانسیا، ۶۶.۶ میلیون بیلن انگلستان، ۶۰.۴ میلیون بیلن ایتالیا، ۴۶.۹ میلیون بیلن اسپانیا و ۳۸ میلیون بیلن لهستان سۇنگراقی اۇرونلاری ایه له یأر.

تۆرکیأنینگ رایات سانی دا ۲۰۱۹-نجی ییلینگ باشیندا ۸۲ میلیون ۳ مۆنگ ۸۸۲ سانینا یتدی.

اوروپا بیله له شیگینده ۲۰۱۸-نجی ییلدا اؤلِنلرینگ سانی دۇغانلارینگ سانیندان کؤپ بۇلدی.

اوروپا بیله له شیگینده شۇل ییل ۵.۳ میلیون آدام اؤلدی، ۵ میلیون بأبِک ده دۇغدی.

اوروپا بیله له شیگینده یاشایانلارینگ سانی نینگ ۱.۱ میلیون یۇقارلاماغی بۇسغونلار بیلن باغلانشیقلی بۇلاندیغی بیلدیریلدی.