روحانی سوئیس‌ده ساپاردا بۇلدی

ایران ینگ جمهورباشلیغی حسن روحانی برجام آدینداقی اتم ماقصاتناماسی باراسیندا ایلالاشیق حاقیندا پیکیر آلیشماق اۆچین سوئیس‌ده ساپاردا بۇلدی.

رسمی ساپار بیلن سوئیس ده بۇلان روحانی نی سوئیس کنفدراسیونی نینگ باشلیغی آلین برست قارشیلادی.

روحانی سوئیس ده "ایران ینگ حاقلاری قۇرالسا" برجام ایلالاشیغیندان چیقماجاقدیقلارینی آیتدی.

روحانی بیلن برست آراسینداقی دوشوشیغینگ گۆن ترتیبی بۇلسا اتمی ماقصاتناما بارادادی.

حسن روحانی، آمریکانینگ اتمی ماقصاتنامادان یکه تاراپلی چیقماغینی تانقیت اتدی.

ایران ینگ جمهورباشلیغی، آمریکا تاراپیندان بۇسغونلارینگ چاغالاری نینگ انه آتاسیندان آیراتین توتولماغینی دا تانقیت اتدی و

"دین مسئله سیندن آیراتین، بیرنأچه یوردونگ بۇسغونلارینگ چاغالارینی انه آتالاریندان آییرماغینی قابول ادیپ بیلمه یأریس. شیله بیر یاغدایی یازغاریاریس" دیدی.

بیله کی تاراپدان سوئیس دأکی حابار سریشده لری نینگ برن حابارینا گؤرأ روحانی نینگ سوئیس دأکی دوشوشیغیندا ۲۰۱۶-نجی ییلدا بِلله‌نِن ایقدیصادی پلانا گؤرأ قاتناشیقلار دا گۆن ترتیبینه گتیریلدی.

ایکی یورت ساغلیغی قۇراییش و بیلیم پوداقلاریندا دا ایلالاشیق شرطناماسینا قۇل چکیشدی.