داعش ترور قوراماسی ۴۰۰ ترورچیسی نینگ اوروپا ایبریلدیگینی اؤنگه سۆردی

داعش ترور قوراماسی نینگ اینگ آز ۴۰۰ ترورچیسینا ساپاق بریپ ترورچیلیقلی حرکتلر اۆچین اوروپا قۇیبرِندیگینی اؤنگه سۆردی.

آسوشیتدپرس اوروپا و عیراقلی گیزلین حابار آلیش سرویسلریندن آلان حابارلارینا گؤرأ، داعش بو ترورچیلارینگ ترورچیلیقلی حرکتی باشلاتماق اۆچین میناسیپ بیر واغت و یره قاراشیار.

فرانسوز سناتور و ترورچیلیغی بارلایان کمیسیونینگ باشلیغی ناتالی گولت، ۵۰۰۰-ه قۇلای اوروپالی نینگ سوریأ گیدِندیگینی و ۴۰۰-۶۰۰ سانی ترورچی نینگ اوروپا اۆلکه لرینده ترورچیلیقلی حرکت اۆچین یؤریته ساپاق آلاندیغینی بیلدیردی.

گولت "۲۰۱۴-نجی ییلدا داعش قوراماسی آغضالارینا بیرنأچه هِپده لیک ساپاق بریأردی. ایندی استراتژیلری اۆیتگه دی. یؤریته تۇپارلار قورایار، بو تۇپارلارا کؤپ سانلی ساپاق بریلیأر. ماقصاتلاری اینگ کؤپ آدامی اؤلدۆرمه ک. موندان دا کؤپرأک ترورچیلیقلی حرکتی گچیرمه ک" دیدی.

اوروپانینگ پلیس قوراماسی یوروپل بۇلسا یانوار آییندا برن یازماچا بیاناتیندا داعش ینگ تۇسلاما داشاری یورت اۇپراسیالار بؤلۆمینی قوراندیغینی و دۆرلی یورتلاردا هۆجۆم اتمه ک اۆچین ساواش استراتژیسی، پارتلاییجی ماددالار یالی ساپاقلار برِندیگینی بیلدیریپدی.

بیله کی تاراپدان داعش ینگ پ. ک. ک ترور قوراماسی نینگ آغضاسی یالی گؤرکه زیپ اؤز ترورچیلارینی اوروپا یورتلارینا ایبریأندیگی اؤنگه سۆرۆلدی.

حۇوپسوزلیق گۆیچلری، ترور قوراماسی پ. ک. ک نینگ اوروپا یورتلارینا آنگسات یاغدایدا حرکت ادیپ بیله ندیگینی و اؤرأن قۇلداو گؤریأندیگینی بیله نی اۆچین داعش ترور قوراماسینا باغلی اؤیلرده اۇزال ترور قوراماسی پ.ک.ک-آ گیریپ سۇنگ بۇلسا پ.ک.ک نینگ رفرانسی بیلن دۆرلی اوروپا یورتلارینا گچیأندیگی بیلدیردی.