Türkiýe Pakistanda Guralan Bombaly Hüjümi Ýazgardy

Türkiýe, Pakistanyň Haýber Pahtunhwa sebitinde, şäriklik hökümetiniň agzalaryndan Yslam Ulemasy jemgyýeti partiýasynyň gurultaýyny nyşana alan bombaly hüjümi ýazgardy.

Daşary işler ministrliginden berlen beýannamada, “Dost we doganlyk ýurt Pakistanyň demirgazyk günbatarynda düýn guralan syýasy partiýanyň gurultaýyny nyşana alan bombaly hüjümde köp sanly adamyň ýogalmagyna uly gynanç bildirýäris” diýildi.

Beýannamada “Terrorçylykly hüjümi berk ýazgarýarys; hüjümde ýogalanlara Alladan rehnet, hossarlaryna, pakistanyň halkyna we hökümetine gynanç bildirýäris” diýildi.

Daşary işler ministrliginden berlen beýannamada, Türkiýäniň terrora garşy göreşde dost we doganlyk ýurt Pakistana goldaw bermäge dowam etjekdigi nygtaldy.

Pakistanyň Haýber Pahtunhwa sebitinde, düýn şäriklik hökümetiniň agzalaryndan Yslam Ulemasy jemgyýeti partiýasynyň gurultaýyny nyşana alan bombaly hüjümde 40 adam ýogalypdy, 200-den gowrak adam hem ýaralanypdy.

İçeri işler müdüri Ahtar Haýat, hüjümçiniň bedenindäki bombany ýarandygyny mälim etdi.

Hüjümiň jogapkärçiligini heniz öz üstüne alan bolmady.

Talibanyň ýolbaşçylygyndaky owgan hökümet hüjümi berk ýazgardy.