Türkiýe, Şwesiýanyň NATO Agzalygyna, Şwesiýa hem Türkiýäniň ÝB-ne Agzalygyna Goldaw Berer

Türkiýe Şwesiýanyň NATO agzalygyna, Şwesiýa hem Gümrük bileleşigi we wiza erkinligi bilen birlikde Türkiýäniň ÝB-ne agzalyk etabyna güýçli goldaw berer.

Prezident R. T. Erdogan, düýn Şwesiýanyň Premýer-ministri Ulf Kristersson we NATO-nyň Baş sekretary Ýens Stoltenberg bilen Litwanyň paýtagty Wilnýusda NATO-nyň liderler maslahatynyň çäginde duşuşyk geçirdi.

Türkiýäniň, Şwesiýanyň we NATO-nyň arasynda geçirlen üçtaraplaýyn duşuşyk hakynda berlen ýazmaça beýannamada, Türkiýäniň, Şwesiýanyň NATO agzalyk teswirnamasyny TBMM-de hödürlejekdigi, Şwesiýanyň hem Türkiýäniň ÝB-ne agzalyk etabynyň depgininiň güýçlendirilmegine goldaw berjekdigi nygtaldy.

Beýannamada, Türkiýe bilen Şwesiýanyň  hem 2022-nji ýylda Madritde geçirlen NATO-nyň liderler maslahatynyň çäginde döredilen üçtaraplaýyn mehanizme hem-de ministrler derejesinde ýylda bir gezek geçiriljek täze dörediljek Howpsuzlyk mehanizminiň çäginde ýakyndan hyzmatdaşlyk etmek boýunça ylalaşyk gazanylandygy ýatladyldy.

Beýannamada “Howpsuzlyk komitetiniň ilkinji maslahatynda Şwesiýa, terror guramasy we tarapdarlary bilen arabaglanşykly üçtaraplaýyn ähtnamanyň 4-nji maddasynyň doly ýerine ýetiriljekdigi barada iş meýilnamasyny hödürlär. Şwesiýa, ÝPG/PÝD we Türkiýede FETÖ hökmünde häsiýetlendirlen terror guramasyna goldaw bermejekdigini ýene-de bir gezek beýan eder. Türkiýe bilen Şwesiýa terrora garşy göreş boýunça Şwesiýanyň NATO agza bolmagyndan soň hem ýakyndan hyzmatdaşlyk eder” diýildi.

Beýannamada, Türkiýe bilen Şwesiýanyň ykdysady taýdan hem ýakyndan hyzmatdaşlyk etmek barada ylalaşyk gazanandygy bellenildi.

Taraplaryň özara söwda mukdaryny we maýa goýum mümkinçiliklerini artdyrmak üçin degişli çäreleri görjekdigi nygtaldy.

Beýannamada, “Şwesiýanyň Türkiýäniň, Türkiýe-ÝB gümrük bileleşigi we wiza erkinligi bilen birlikde ÝB-ne agzalyk etabynyň depgininiň güýçlendirilmegi meselesinde goldaw berer. Türkiýe hem Şwesiýanyň NATO agzalyk teswirnamasynyň TBBM-de hödürlenmegi we tassyklanmagy üçin Mejlis bilen ýakyndan hyzmatdaşlyk eder” diýildi.