"Türkiye Talyp haklary" programmasyna ýüz tutmak işleri başlady

Daşary ýurtlardaky türkler we garyndaş halklar edarasynyň dünýäniň çar tarapyndaky halkara talyplara Türkiyede ýokary okuw jaýlarynda okamak mümkinçiligini hödürleýän "Türkiye Talyp haklary" programmasynyň 2023-nji ýyldaky ýüz tutmak işleri başlady.

Daşary ýurtlardaky türkler we garyndaş halklar edarasyndan berilen beýanata görä "Uly Talyp taslamasynyň" çäginde 1992-nji ýylda başladylan we 2012-nji ýylda Daşary ýurtlardaky türkler we garyndaş halklar edarasynyň koordinasiýasynda "Türkiye Talyp haklary" ady bilen dünýä açylan, Türkiyäniň resmi halkara talyp haklary programmasynyň 2023-nji ýyldaky ýüz tutmalary başlady.

Ýüz tutmalar dünýäniň ähli ýurdundan bakalawr, aspirantura we doktorlyk derejelerinde bilim almak isleýän halkara talyplar üçin açyk bolar.

Talyp haklaryna ýüz tutmalar 20-nji fewrala çenli "https://tbbs.turkiyeburslari.gov.tr/" internet saýtyndan dowam eder.

"Türkiye Talyp haklary" programmasy uniwersitetlerde bölümlere ýerleşmek, aýlyk talyp haklary, uniwersitet tölegleri, saglygy goraýyş ätiýaçlandyrmasy, umumy ýaşaýyş jaýlary, mugt hünär we akademiki programmalar bilen ýurduna gitmek we gelmek üçin uçar petekleri bilen dünýäniň iň giň-gerimli talyp haklary programmasy hökmünde bilinýär.