Türkiyäniň Daşary işler ministri ABŞ-ly kärdeşi bilen telefon arkaly söhbetdeş boldy
Beýanatda telefon söhbetdeşliginde Siriýadaky soňky hadysalaryň gün tertibe gelendigi, ministr Mewlüt Çawuşoglynyň Türkiyäniň terrora garşy göreşini tutanýerlilik bilen dowam etdirjekdigini aýdandygy habar berildi
![Türkiyäniň Daşary işler ministri ABŞ-ly kärdeşi bilen telefon arkaly söhbetdeş boldy](http://cdn.trt.net.tr/images/xlarge/rectangle/0fc1/d093/f684/63a532f6ebc7d.jpg?time=1718832396)
Türkiyäniň Daşary işler ministri Mewlüt Çawuşogly, ABŞ-nyň Döwlet sekretary Entoni Blinken bilen geçiren telefon arkaly söhbetdeşliginde Türkiyäniň Siriýada terrora garşy göreşini tutanýerlilik bilen dowam etdirjekdigini habar berdi.
Türkiyäniň Daşary işler ministrliginden berilen beýanatda, Çawuşogly bilen Blinkeniň telefon arkaly söhbetdeş bolandygy, taraplaryň galla ylalaşygynyň durmuşa geçirilmegi başda bolmak bilen Ukrainadaky soňky hadysalary, NATO-nyň giňelmegi, Türkiyäniň F-16 harby uçarlaryny satyn almak tapgyry we Ankara bilen Waşingtonyň arasynda öňümizdäki döwürde guraljak saparlary ara alyp maslahatlaşandygy mälim edildi.
Beýanatda telefon söhbetdeşliginde Siriýadaky soňky hadysalaryň gün tertibe gelendigi, ministr Mewlüt Çawuşoglynyň Türkiyäniň terrora garşy göreşini tutanýerlilik bilen dowam etdirjekdigini aýdandygy habar berildi.
Degişli Habarlar
![Terrora garşy göreş tutanýerli ýagdaýda dowam etdirilýär](http://cdn.trt.net.tr/images/medium/rectangle/e0cb/10b5/a712/66713b2bde92e.jpg?time=1718832397)
Terrora garşy göreş tutanýerli ýagdaýda dowam etdirilýär
Yragyň demirgazygynda terror guramasy PKK-a agza 3 terrorçy täsirsiz ýagdaýa getirildi