Türkiyäniň "Nol Zyňyndy" karary BMG-da tassyklandy

BMG-nyň Baş Assamblýeýasy Türkiyäniň hödürlän kararyny 105 ýurduň ses bermeginde sesleriň köplügi bilen kabul etdi. 

BMG-nyň Baş Assamblýeýasy şol karar bilen 30-njy marty Halkara Nol zyňyndy güni hökmünde yglan etdi. 

Karar bilen BMG-nyň Baş sekretary Antoniu Guterrişden ýerli we milli nol zyňyndy başlangyçlaryny höweslendirmek maksady bilen 3 ýyllyk möhlet bilen Maslahat beriş geňeşiniň döredilmegi islenýär. 

Karar nol zyňyndy başlangyçlarynyň, daşky gurşawa duýgur zyňyndy dolanşygy, durnukly sarp ediş we önümçilik meseleleriniň BMG-nyň çäginde ele alynmagynyň gerekdigini belleýär. 

Agza döwletler we BMG bilen beýleki halkara we sebitleýin guramalar nol zyňyndy başlangyçlaryny durmuşa geçirmegi höweslendirýär. 

Kararyň kabul edilmegi bilen Prezident Rejep Taýýip Erdoganyň aýaly Emine Erdoganyň hemaýatkärlik etmeginde alynyp barylýan "Nol zyňyndy taslamasy" BMG-nyň Baş Assambleýasy tarapyndan goldandy. 

Emine Erdogan sentýabr aýynda BMG-nyň Baş Assambleýasynyň 77-nji sessiýasynda ikiçäk klimat krizisine garşy göreşiň çäginde "Global nol zyňyndy hoşniýetlilik beýanyna" gol çekipdi.