Mewlüt Çawuşogly: "Türkiye global bir aktýor"

Türkiyäniň Daşary işler ministri Mewlüt Çawuşogly, paýtagt Ankara şäherinde Hajy Baýram Weli uniwersitetinde geçirilen "Türkiyäniň Işjeň we ynsanperwer daşary syýasaty" atly konferensiýanyň açylyşynda çykyş etdi. 

Şu günki gün dünýäde örän tankydy meseleleriň, krizisleriň we söweşleriň bardygyny aýdan Mewlüt Çawuşogly, söweşleriň we çaknyşyklaryň 60 göteriminiň Türkiyä ýakyn geografiýada başdan geçirilýändigini mälim etdi. 

Mewlüt Çawuşogly şu gün dünýäde diňe pikirleriň, ykdysady işjeňlikleriň däl, eýsem howplaryň hem global ýagdaýa öwrülendigini, çaknyşyklar, energetika we azyk krizisi, terrorizm, howanyň çalşygy, daşary ýurt duşmançylygy, Yslam duşmançylygy we bikanun migrasiýa ýaly meseleleriň başdan geçirilýän synaglardygyny beýan etdi. 

Artýan halkara bäsdeşlikleriň bütin adamzada howp salýan meselelerde hem umumy çözgütleri tapmagy mejbur edýändigini, BMG, Ýewropa Bileleşigi, Ýewropa Geňeşi ýaly halkara guramalaryň global meseleleriň çözüwinde ýeterlik derejede däldigine ünsleri çeken Mewlüt Çawuşogly: "Bular ýaly kyn döwürlerde inisiatiwany öz üstüne aljak, ýol görkezjek, liderlik etjek işjeň güýçlere zerurlyk bar. Şu günki gün buýsanç bilen aýtmak isleýärin: Türkiye şol güýçleriň başynda gelýär" diýip habar berdi. 

"Türkiye Afrikadan Aziýa, Ýakyn Gündogardan Balkanlara çenli giň geografiýada umyt bildirilýän ýurtlaryň başynda gelýär" diýip aýdan Daşary işler ministri Mewlüt Çawuşogly: "Global meselelere ser salan mahalyňyz, ählisinde Türkiýäniň çözüwiň bir bölegidigini görersiňiz" diýip nygtady.