Akar Ukrainaly Ministrler Bilen Galla Geçelgesi Ylalaşygyndaky Soňky Ýagdaý Hakynda Pikir Alyşdy

Milli Goranmak ministri Hulusi Akar, Ukrainanyň Goranmak ministri Olekseý Reznikow we Ukrainanyň Infstruktura ministri Oleksandr Kubrakow bilen telefon arkaly söhbetdeşik geçirdi.

Milli Goranmak ministrliginden berlen beýannama görä, ministrler telefon söhbetdeşliginde galla geçelgesi ylalaşygyndaky soňky ýagdaý hakynda pikir alyşdy.

Ministr Akar Gara deňiz galla geçelgesiniň dowam etdirilmeginiň ähmiýetini nygtady.

Akar, şu günki güne çenli 10 million tonna golaý gallanyň dünýä bazarlaryna ýetirilmegine, halkara azyk ýetmezçiliginiň ortadan aýrylmagyna uly goşant goşan we ähli kynçylyklaryň gepleşik arkaly çözülip bilinjekdigini görkezen galla geçelgesi ylalaşygynyň dowam etdirilmeginiň ähmiýetini ýatlatdy.

Gara deňiz galla geçelgesiniň gara ýolundan has amatlydygyny nygtan Akar, galla geçelgesi ylalaşygynyň çaknyşyklardan aýry tutulmalydygyny belledi.

Akar, Prezident Erdoganyň başda durmagynda Türkiýäniň sebitde parahatçylygyň üpjün edilmegi we ynsanper kömek üçin öz üstüne düşýän jogapkärçiligi ýerine ýetirmäge dowam etjekdigini nygtady.