“Türkiýe Töwellaçylykda Dünýä Markasyna Öwrüldi”

Daşary işler ministri Mewlüt Çawuşogly, Türkiýäniň daşary syýasatda töwellaçylyk meselesinde dünýä markasyna öwrülendigini nygtady.

Mewlüt Çawuşogly, Antalýada Ortaýer deňizi uniwersietinde täze okuw ýylynyň açylyş dabarasynda çykyş etdi.

Çawuşogly, Türkiýäniň şol bir wagtda BMG-da, Ýewropada Howpsyzlyk we hyzmatdaşlyk guramasynda we Yslam Hyzmatdaşlyk guramasynyň Töwellaçylyk dostlar toparlarynda egindeş baştutanlygy ýerine ýetirýän ýeke-täk ýurtdygyny ýatlatdy.

Töwellaçylyk diýlen ilki Türkiýäniň ýada düşýändigini nygtan Çawuşogly, Russiýa-Ukraina, Bosniýa-Gersegowina, Kosowa-Serbiýa, Somali, Palestina we Wenesuela meselesinde durmuşa geçirlen işleri ýatlatdy.

Afrika başlangyjynyň öz miwesini bermäge başlandygyny ýatladan Çawuşogly, 2002-nji ýylda Türkiýäniň Afrikada 12 wekilhanasynyň bardygyny we şol sanyň 44-de çykarlandygyny, Türkiýäniň Afrika ýurtlary bilen edýän söwda gatnaşyklarynyň hem ady agzalýan döwürde 4,3 milliard dollardan 34,5 milliard dollara çenli baryp ýetendigini aýtdy.

Türkiýäniň Latyn Amerikadaky wekilhanalarynyň sanynyň hem 6-dan 19-a çykarlandygyny, söwda mukdarynyň hem 1 milliard dollardan 15 milliard dollara çenli baryp ýetendigini aýdan Mewlüt Çawuşogly, awgust aýynda hem “Türkiýe, Ýewropalydyr” diýip Ýewropa başlangyjyny başladandykalryny belledi.

Daşary işler ministri Günorta Kawkazda hem Azerbaýjana berilýän 30 ýyllyk goldawyň netijesinde ermeni basyp alyşlygynn ortadan aýrylandygyny ýatlatdy.