Prezident Erdogan noýabr aýynda NATO bilen bagly diplomatiýa alyp barar

Prezident Erdoganyň 4-nji noýabrda Stambulda NATO-nyň Baş sekretary Ýens Stoltenbergi kabul etmegine garaşylýar. 

Duşuşykda Şwesiýanyň we Finlýandiýanyň NATO agzalyk tapgyry bilen birlikde, 24-nji fewraldan bäri dowam edýän Russiýa-Ukraina söweşi bilen bagly meseleler maslahatlaşylar. 

Erdogan çarşenbe güni telefon arkaly söhbetdeşlik geçiren Şwesiýanyň Premýer ministri Ulf Kristerssony bolsa 8-nji noýabrda Ankarada kabul etmegine garaşylýar. Duşuşykda Türkiye-Şwesiýa gatnaşyklary bilen birlikde Şwesiýanyň NATO agzalyk tapgyry ara alynyp maslahatlaşylar. 

Prezident Erdogan telefon söhbetdeşliginde Şwesiýanyň Premýer ministri wezipesine saýlanmagy mynasybetli Ulf Kristerssony gutlady. Erdogan 19-njy oktýabrda özüne ugradan hatynyň üstünde durup geçip, Ulf Kristerssony paýtagt Ankarada myhman etmekden hoşal boljakdygyny beýan etdi. 

Prezident Erdogan terror guramalarynyň Şwesiýanyň NATO agza bolmagyna we Türkiye bilen gatnaşyklaryny zamun almagynyň öňüni almagyň umumy bähbitdigini belledi.