“Sebitara we Halkara Meseleleriň Çözülmeginde Katar Bilen Hyzmatdaşlyk Edilmegi Diýseň Möhüm”

Prezidentiň ýanyndaky Kommunikasiýalar edarasynyň başlygy Fahrettin Altun, sebitara we halkara dartgynlyklaryň çözülmegi meselesinde dost we doganlyk ýurt Katar bilen hyzmatdaşlyk etmegiň möhümdigini belledi.

Fahrettin Altun, Kataryň Emiri Şyh Temin bin Hamad Al Saniniň Türkiýä gurajak resmi saparynyň öňüsyrasynda Kataryň  habarlar gullugy QNA beýannama berdi.

Altun, saparyň sebitara we halkara derejesinde uly dartgynlyklaryň başdan geçirilýän döwrüne gabat gelýändigini belledi.

Fahrettin Altun, Türkiýe bilen Kataryň sebitara we halkara krizisleriň çözülmegi meselesinde şol bir garaýşa eýedigini nygtady.

Kommunikasiýalar edarasynyň başlygy Fahrettin Altun, dünýäniň diýseň ynjyk döwürden geçýändigini, sebitara we halkara meseleleriň çözülmeginde dost we doganlyk ýurt Katar bilen hyzmatdaşlyk etmegiň möhümdigine ünsi çekdi.

Altun, “Ýurtlarymyz alyp barýan daşary syýasatlarynda düşnüşmezlikleriň çözülmeginde töwellaçylyga, diplomatiýa we gepleşiklere uly ähmiýet berýär. Kataryň Owganystanda parahatçylyk şertnamasynyň baglaşylmagy we Eýranyň ýadro meselesiniň diplomatiýa taýdan çözülmegi üçin edýän tagallasyna kanagatlanma bildirýäris. Beýleki tarapdan Türkiýe hem Jenap Prezidentimiziň ýolbaşçylygynda 24-nji fewraldan bäri dowam edýän Russiýa-Ukraina söweşiniň bes edilmegi üçin başyndan bäri uly tagalla edýär. Türkiýäniň edýän tagallasy netijesinde halkara azyk krizisine öwrülen galla meselesi, galla geçelgesiniň açylmagy bilen çözüldi. Türkiýe şeýle hem Russiýa bilen Ukrainanyň ýesirlerini çalyşmagynda hem uly rol oýnady” diýdi.

Türkiýe hökmünde şol bir wagtda Azerbaýjan bilen Ermenistanyň arasynda adalatly parahatçylyk şertnamasynyň baglaşylmagy üçin tagalla edýändiklerini aýdan Altun “Bu meselede Türkiýe bilen Kataryň şol bir garaýyşa eýedigini görýäris” diýip belledi.