Şahbaz Şerif Türkiýä Resmi Sapar Gurar
Pakistanda aprel aýynda Mejlisde geçirilen sese goýulşykda ýurduň 23-nji premýer-ministrligine saýlanan Şahbaz Şerif şu gün resmi sapar bilen Türkiýä geler.
Prezident R.T.Erdogan tarapyndan resmi dabara bilen garşylanjak Şerif Ankarada resmi duşuşyklar geçirer.
Liderleriň özara we toparara duşuşyklarynda Türkiýe-Pakistan Ýokary derejeli strategik hyzmatdaşlyk Geňşiniň 7-nji maslahaty geçiriler.
Duşuşyklarda Türkiýäniň çuň taryhy, dostluk we doganlyk gatnaşyklaryna eý ebolan Pakistan bilen gatnaşyklary ähli taraplaýyn seljeriler, özara hyzmatdaşlygyň hasam ösdürilmegi boýunça pikir alyşylar.
Şol çäkde 2023-nji ýylda 5 milliard dollarlyk özara söwda mukdaryna ýetilmegi üçin ediljek başlangyçlar seljeriler, iki ýurduň arasynda goranyş senahaty boýunça edilýän hyzmatdaşlygyň giňeldilmegi boýunça bar bolan şertler gözden geçiriler.
Duşuşyklarda 24-nji fewraldan bäri dowam edýän Russiýa-Ukraina söweşininiň bes edilmegi üçin edilýän diplomatik tagallalar gün tertibine geler.
Degişli Habarlar
Yragyň demirgazygynda bir esger şehit boldy
Yragyň demirgazygyndaky Penje-Gulp operasiýasy sebitinde 1 esger şehit boldy
