Prezident Erdogan Ysraýylly Kärdeşi Bilen Telefon Arkaly Söhbetdeşlik Geçirdi
Iki lider Palestinada ysraýylly radikal toparlaryň we howpsyzlyk güýçleriniň sebäp bolan wakalary hakynda pikir alyşdy.
![Prezident Erdogan Ysraýylly Kärdeşi Bilen Telefon Arkaly Söhbetdeşlik Geçirdi](http://cdn.trt.net.tr/images/xlarge/rectangle/fe9c/0d11/5bd7/625ee94365f03.jpg?time=1719166550)
Prezident R. T. Erdogan, Ysraýylyň Prezidenti Ishak Gersog bilen telefon arkaly söhbetdeşlik geçirdi.
Iki lider telefon söhbetdeşliginde, Palestinada ysraýylly radikal toparlaryň we howpsyzlyk güýçleriniň sebäp bolan wakalary hakynda pikir alyşdy.
Prezident Erdogan sosial mediadan beren habarnamasynda, Gersog bilen geçiren telefon söhbetdeşliginde, Aksa metjidiniň statusyna we ruhy gymmatlygyna zeper ýetirilmeli däldigine ünsi çekendigini belledi.
Erdogan, telefon söhbetdeşliginde Gersoga, “Remezan aýynyň başyndan bäri Günbatar Şeriada we Aksa metjisinde başdan geçirlen wakalarda 400-den gowrak palestinalynyň ýaralanmagy we çagalar bilen birlikde 18 adamyň ýogalmagy bizi çuňňur gynandyrdy” diýdi.
Degişli Habarlar
![Yragyň demirgazygynda bir esger şehit boldy](http://cdn.trt.net.tr/images/medium/rectangle/d70c/b012/6827/6675746308657.jpg?time=1719166551)
Yragyň demirgazygynda bir esger şehit boldy
Yragyň demirgazygyndaky Penje-Gulp operasiýasy sebitinde 1 esger şehit boldy