Erdogan ABŞ-da sapar guramadan ozal beýanat berdi

Prezident Erdogan ABŞ-na sapar guramdan ozal Stambul Atatürk howa menzilinde metbugat ýygnagyny geçirdi. 

Çykyşynda şu ýylky BMG-nyň Baş Assambleýasynyň  "Koronawirus epidemiýasynyň hötdesinden gelmek, Dikeldişiň täzeden gurulmagy, Älem giňişliginiň zerurlyklarynyň üpjün edilmegi, Adam hukuklaryna sarpa goýmak we BMG-nyň ýaňadandan janlandyrylmagy üçin Raýdaşlygyň umyt ýolunyň üsti bilen dikeldilmegi" temasy bilen geçiriljekdigini aýdan Prezident Erdogan: "Esasy rol eýeleýän ugurlarymyz bolan saglygy goraýyş, klimat we dowamly galkynyş bilen bagly meseleler gün tertibiniň ileri tutulýan ugurlary bolar. Maslahatyň ilkinji gününde 21-nji sentýabr sişenbe güni BMG-nyň Baş Assembleýasynda çykyş ederin. BMG-nyň gün tertibiniň ileri tutulýan ugurlary boýunça öz pozisiýamyzy paýlaşarys. Bütin adamzada wehim salýan howplara garşy Türkiýäniň pozisiýasyny BMG-nyň Baş Assambleýasynda belläp geçerin" diýip habar berdi. 

Bosgunlar bilen bagly bütin dünýä ýüzlenme berjekdigini aýdan Erdogan: "Saparymyň çäginde köp sanda döwlet we hökümet baştutanlary bilen ikiçäk duşuşyklar geçirerin. Mundan başgada Türk-Amerikan Milli ugrukdyrma komitedi tarapyndan geçiriljek "Has adalatly dünýä mümkin" atly maslahatyň çäginde ABŞ-daky türk, kowumdaş milletler we musulman jemgyýetleriň wekilleri bilen duşuşyk geçirerin. Türk Öýi binasynyň açylyşyny duşenbe güni dabara bilen ýerine ýetireris. BMG-nyň edil garşysynda ýerleşýän ýerimizde gurulan binamyz milletimize bagyşlan täze bir ajaýyp eser hökmünde hyzmat bermäge başlar" diýip belledi. 

ABŞ-daky käbir metbugat organlarynyň wekilleri bilen ikiçäk duşuşyklaryň geçiriljekdigini aýdan Erdogan: "Türk-Amerikan Işewürler geňeşinyň wekilleri bilen hem gepleşiklerimiz bolar. 11-nji Türkiýede Maýa goýum konferensiýasyna gatnaşaryn. Saparymyzyň ýurdumyz, milletimiz we bütin adamzat üçin düşümli geçmegini dileýärin" diýip habar berdi.

Gresiýanyň Premýer ministri Kirýakos Misotakisiň beýanatlarynyň hem üstünde durup geçen Erdogan: "Edilmeli bolan ädimleri söhbetdeşlerimiz tarapyndan edilendigini görmegimiz gerek. Eger görmesek gerek bolan kararlary alarys we şoňa görä ädimler ederis. Türkiýe bu babatda hiç kimiň gapy sakçysy däldir" diýip nygtady.