Türk Ýaragly Güýçleri Owganystandan Çekilýär
Türkiýe, ISAF-yň çäginde 2002-nji ýylyň iýun aýynda Owganystana esger ugradypdy
Milli Goranmak ministrligi, Türk ýaragly güýçleriniň Owganystadan çekilmäge başlandygyny habar berdi.
Milli Goranmak ministrligi tarapyndan berlen beýannamada, “Türk ýaragly güýçleri özüne berlen bu wezipäni hem üstünlikli ýerine ýetirendigi üçin buýsançly ýagdaýda watanyna dolanýar” diýildi.
Türkiýe, Owganystandaky Halkara howpsyzlyk we ýardam güýji ISAF-yň çäginde 2002-nji ýylyň iýun aýynda Owganystana esger ugradypdy.
1400 esgerden ybarat Türk harby topary Kabul howa menziliniň howpsyzlygyny hem üpjün edýärdi.
Talibanyň 15-nji awgustda paýtagt Kabulyň gözegçiligini ele geçirmeginden soň ýurtdaky daşary ýurtly esgerleriň, diplomatlaryň we asuda ilatyň ýurtdan göçürilmegi işleriniň depgini güýçlenipdi.
Degişli Habarlar
Terrora garşy göreş tutanýerli ýagdaýda dowam etdirilýär
Yragyň demirgazygynda terror guramasy PKK-a agza 3 terrorçy täsirsiz ýagdaýa getirildi
