Yragyň demirgazygynda 4 esger şehit boldy
Milli Goranmak ministrligi şehit bolan esgerleriň dogan garyndaşlaryna gynanç bildirdi, ýaralanan esgerleriň bolsa tiz wagtda sagalmagyny diledi
Yragyň demirgazygyndaky Penje-Şimşek operasiýasy sebitinde ekstremist terror guramasy PKK-a agza terrorçylar bilen bolan ýaragly çaknyşykda 1 esger şehit boldy, 1 esger ýaralandy.
Türkiýäniň Milli Goranmak ministrligi 15-nji awgustda Penje-Şimşek operasiýasy sebitinde terrorçylar bilen bolan ýaragly çaknyşykda 1 esgeriň agyr ýaralanandygyny habar berdi.
Beýanatda ýaralanan esgeriň alynyp gidilen hassahanada şehit bolandygy mälim edildi. Şol çaknyşykda ýaralanan ýene-de bir esgeriň bolsa alynyp gidilen hassahanada bejergi astyna alynandygy aýan edildi.
Goranmak ministrligi Penje-Ýyldyrym operasiýasy sebitinde terrorçylar tarapyndan ýerleşdrilen elde ýasalan bombanyň partlamagy netijesinde 3 esgeriň şehit bolandygyny, 2 esgeriň bolsa ýaralanandygyny mälim etdi.
Ýaralanan 2 esgeriň bejergi astyna alynandygy habar berildi.
Milli Goranmak ministrligi şehit bolan esgerleriň dogan garyndaşlaryna gynanç bildirdi, ýaralanan esgerleriň bolsa tiz wagtda sagalmagyny diledi.
