PKK/KJK-a agza ýene-de bir terrorçy howpsuzlyk güýçlerine boýun egdi

Türkiýäniň Içeri işler ministrligi tarapyndan berilen beýanatda, Içeri işler edarasynyň Baş müdürligi bilen Žandarma güýçleriniň Baş serkerdeligi tarapyndan edilen tagallalaryň netijesinde ýene-de bir terrorçynyň ekstremist terror guramasy PKK/KJK-nyň düzüminden gaçyp, howpsuzlyk güýçlerine boýun egendigi, boýun egen terrorçynyň guramanyň düzümine 2017-nji ýylda goşulandygy, Yrakda we Siriýada iş alyp barandygy habar berildi. 

Şeýlelik bilen edilen tagallalaryň netijesinde 2021-nji ýylyň başyndan bäri Türk howpsuzlyk güýçlerine boýun egen terrorçylaryň sany 22-ä ýetdi.