Sanjym Tapgyrynyň Birinji Gününde 285 Müň Adama CoronaVac Sanjymy Edildi
Prezident Erdogan, düýn koronawirus sanjymyny etdirdi.
Türkiýäniň koronawirusa garşy göreşi dowam edýär
Soňky 24 sagatda koronawirus sebäpli çekilen adam pidasy 170 boldy.
Epidemiýanyň başyndan bäri aradan çykan raýatlaryň sany 23 müň 495 adama ýetdi.
24 sagadyň dowamynda 169 müň 847 adam testden geçirilip, ýene-de 958 adama koronawirusyň ýokaşandygy anyklandy.
Gündelik hasaba alynanlaryň sany bolsa 8 müň 962 adama ýetdi
Saglyk ýagdaýy gowulaşyp öýlerine ugradylan 9 müň 11 adam bilen birlikde, jemi sagalan raýatlaryň sany 2 million 236 müň 938 adama ýetdi.
Beýleki tarapdan Prezident R. T. Erdogan, Ankara Şäher keselhanasynda koronawirus sanjymyny etdirdi.
Erdogan Telegramdan beren habarnamasynda “Benem sanjym etdirdim” diýdi.
Sanjym tapgyrynyň birinji gününde saglygy goraýyş işgärlerinden 285 müň adama CoronaVac sanjymy edildi.
Saglygy goraýyş işgärlerinden soň, nobatyna görä beýleki topardakylar sanjym ediler.
Degişli Habarlar
Terrora garşy göreş tutanýerli ýagdaýda dowam etdirilýär
Yragyň demirgazygynda terror guramasy PKK-a agza 3 terrorçy täsirsiz ýagdaýa getirildi