Türkiýe Sil Apaty Sebäpli Sudana Ynsanperwer Kömegini Berdi

Türkiýäniň Din Işleri Gaznasy, Sudanda sil apaty sebäpli uly ýitgi çeken paýtagt Hartumyň Umdurman we Kalakle etrapçalarynda 400 maşgala ynsanperwer kömegini paýlady.

Sudanda iýun aýynyň başyndan bäri dowam edýän ýagyşlar we Nil derýasynyn daşmagy sebäpli öýleri suwyň aşagynda galan we ýykylan müňlerçe maşgala, wagtlaýyn has howpsyz ýerlere göçürildi.

Türkiýäniň Din Işleri Gaznasy, Nil derýasynyn kenaryndaky Kalakle etrabynda 250, Umdurman şäherinde bolsa 150 maşgala ynsanperwer kömegini paýlady.