Türkiýe Tunisde Guralan Hüjümi Ýazgardy

Türkiýe, Tunisiň Suse şäherinde howpsyzlyk merkezine terror guramasy DAIŞ tarapyndan guralan hüjümi ýazgardy.

Daşary işler ministrliginden berlen ýazmaça beýanatda, terrorçylykly hüjümde 1 adamyň ýogalmagyna, 1 adamyň hem agyr ýaralanmagyna gynanç bildirildi.

Beýanatda “Hyýanatçylykly hüjümde ýogalan howpsyzlyk gullukçysyna Alladan rehnet, ýaralanan gullukça hem gyssagly şypa dileýäris. Doganlyk tunisiň halkyna gynanç bildirýäris” diýildi.

Tunisde ýekşenbe güni paýtagtyň 150 kilometr günortasynda ýerleşýän syýahatçylyk şaheri Susede howpsyzlyk güýçlerine garşy guralan hüjümde 1 adam ýogalypdy, 1 adam hem agyr ýaralanypdy.