“Penje-Bürgüt” operasiýasynda 81 nyşana hatardan çykaryldy
Hulusi Akar “Penje-Bürgüt” operasiýasyna gatnaşan uçarmanlary operasiýanyň üstünlikli tamamlanmagy bilen gutlady
![“Penje-Bürgüt” operasiýasynda 81 nyşana hatardan çykaryldy](http://cdn.trt.net.tr/images/xlarge/rectangle/48de/cd31/915b/5ee7144f373db.jpg?time=1719046429)
Yragyň demirgazygyndaky terrorçylara garşy guralan “Penje-Bürgüt” operasiýasynda 81 nyşana hatardan çykaryldy.
Milli Goranmak ministrligi Twitterden, Yragyň demirgazygynda ýerleşýän we terrorçylar tarapyndan baza hökmünde ulanylýan Sinjar, Karajak, Kandil, Zap, Awaşin, Basýan we Hakurk etrapçalaryndaky terrorçylara garşy operasiýanyň guralandygyny habar berdi.
Beýanatda “Penje-Bürgüt” operasiýasy bilen ýurdumyza, halkymyza we serhetlerimize howp salýan terrorçylara degişli gowaklardan we gaçybatalgalardan ybarat 81 nyşana hatardan çykaryldy. Harby uçarlarymyz weziperini üstünlikli tamamlap bazalaryna dolandy” diýildi.
Beýanatda, “Penje-Bürgüt” operasiýasyna harby uçarlar bilen birlikde uçarmansyz howa ulaglarynyň, howadan öňünden duýduryş berýän gözegçilik uçarlarynyň we tanker uçarlarynyň goldaw berendigi nygtaldy.
Beýleki tarapdan Milli Goranmak ministri Hulusi Akar “Penje-Bürgüt” operasiýasyna gatnaşan uçarmanlary operasiýanyň üstünlikli tamamlanmagy bilen gutlady.
Akar operasiýa barada beren beýanatynda “Terror öýjükleri ýer bilen ýegsan edildi. Ýurdumyza, halkymyza, harby merkezlerimize hüjüm guramagy meýilleşdirýän terror öýjüklerini derbi dagyn etdik” diýdi.
Degişli Habarlar
![Yragyň demirgazygynda bir esger şehit boldy](http://cdn.trt.net.tr/images/medium/rectangle/d70c/b012/6827/6675746308657.jpg?time=1719046429)
Yragyň demirgazygynda bir esger şehit boldy
Yragyň demirgazygyndaky Penje-Gulp operasiýasy sebitinde 1 esger şehit boldy