Ömer Çelik TÝG tarapyndan düýn başladylan "Penje-Bürgüt" operasiýasy bilen bagly beýanat berdi

Adalat we ösüş partiýasynyň metbugat geňeşçisi Ömer Çelik, Türkiýäniň Ýaragly güýçleri tarapyndan düýn terror guramanyň Yragyň demirgazygyndaky ýerlerine garşy başladylan "Penje-Bürgüt" operasiýasynda ekstremist terror guramasy PKK başda bolmak bilen ähli terror guramalarynyň nyşana alynjakdygyny habar berdi. 

Ömer Çelik Adalat we ösüş partiýasynyň Merkezi dolandyryş geňeşiniň, ýurdyň Prezidenti we Adalat we ösüş partiýasynyň başlygy Rejep Taýýip Erdoganyň ýolbaşçylyk etmeginde şu gün geçirililýändigini habar berdi. 

Ömer Çelik Adalat we ösüş partiýasynyň Merkezi dolandyryş geňeşiniň maslahaty dowam edýärkä beren beýanatynda, Penje-Bürgüt operasiýasynyň üstünde durup geçip: "Düýn gije Penje-Bürgüt operasiýasy başlady. Örän üstünlikli ýagdaýda dowam edýän operasiýa bilen terrorçylaryň ýerleri ýer bilen ýegsan edilýär. PKK başda bolmak bilen ähli terror guramalary nyşana alynjakdyr. Howpsuzlyk güýçlerimize ýene-de bir gezek minnetdarlygymyzy, gutlagymyzy ýetirýäris" diýip belledi. 

Ömer Çelik Liwiýa meselesi babatynda bolsa, Türkiýäniň Liwiýanyň kanuny hökümetiniň ýanyndadygyny belläp: "Häzirki wagtda Türkiýe-Liwiýa raýdaşlygynyň güýji görüldi. Huntaçylar, ol ýerleri başga ýurtlaryň adyndan basyp almak isleýänler gaçýar, kanuny hökümet bolsa öňe gidişlik edýär. Berýän goldawymyzy dowam etdireris. Bu şol bir wagtda Gündogar Ortaýer deňizindäki bähbitlerimiz üçin peýdalydyr. Gündogar Ortaýer deňizindäki bähbitlerimizden ýüz öwürmeris" diýip nygtady. 

Ömer Çelik çykyşynda mundan başgada Türkiýede koronawirus etabynda kadalaşma etabynyň dowam etmegi üçin maska, araçäk we arassaçylygyň gerekdigini belläp: "Gowşaklyk duşmanymyzdyr" diýip beýan etdi.