Türkiýe, Gresiýanyň Premýer ministri Kirýakos Miçotakisiň ýazan hatyna garşylyk görkezdi

Türkiýe, Gresiýanyň Premýer ministri Kirýakos Miçotakisiň Türkiýe bilen arabaglanşykly Germaniýa we Fransiýa ýazan hatyna garşylyk görkezdi.

Daşary işler ministrliginiň metbugat geňeşçisi Hami Aksoý, Gresiýanyň Premýer ministri Miçotakisiň, Fransiýanyň Prezidenti Emmanuel Makrona we Germaniýanyň Federal Kansleri Angela Merkele Türkiýe hakynda ýazan hatynda bosgunlaryň sanyna görä maliýe goldawynyň berilmegini teklip etmeginiň diýseň gelşiksizdigini belledi.

Daşary işler ministrliginiň metbugat geňeşçisi Hami Aksoý, Gresiýanyň Premýer ministri Miçotakisiň Türkiýe hakynda Makrona we Merkele ýazan haty barada ýazmaça beýanat berdi.

Miçotakisiň hatynda, Türkiýä beriljek maddy goldawyň, Ýewropa göçýän bosgun akymlarynyň azalmagyna görä berilmegini teklip edendigini ýatladan Aksoý “Gresiýanyň gapylaryna çenli gelen migratlara dünýäniň gözüniň öňünde nähili çemeleşendiklerini gördük. Migrantlara erbet daran we zulum eden ýurduň indi bolsa bosgunlaryň sanyna görä maddy taýdan goldaw berilmegini teklip etmegi diýseň gelşiksiz. Türkiýe myhman alan 4 milliondan gowrak migrant üçin häzire çenli 40 milliard dollar sarp etdi” diýdi.

ÝB-niň bolsa, siriýalylar üçin Türkiýä 6 milliard ýewrolyk ýardam bermegi wada berendigini emma häzire çenli diňe 2,7 milliard ýewrolyk goldaw berendigine ünsi çeken Aksoý, ÝB-niň Gresiýa bolsa ýurdundaky 100 müň bosgun üçin 3 milliard ýewro golaý goldaw berendigini ýatlatdy.

Daşary işler ministrliginiň metbugat geňeşçisi Hami Aksoý “Ýurdumyzdaky migrantlary Gresiýa öz ýurduna alyp biler. ÝB hem migrantlar üçin Gresiýa maddy taýdan goldaw berip biler. Biz hem goňşy hökmünde Gresiýa maddy taýdan goldaw bereris” diýdi.