Erdogan, Makron, Merkel we Jonson wideokonferensiýa arkaly maslahat geçirdi

Prezident R. T. Erdoganyň, Fransiýanyň Prezidenti Emmanuel Makronyň, Germaniýanyň Federal Kansleri Angela Merkeliň we Britaniýanyň Premýer ministri Boris Jonsonyň gatnaşmagynda wideokonferensiýa arkaly dörttaraplaýyn Siriýa maslahaty geçirildi.

Dünýä ýurtlaryna howp salýan koronawirusa garşy görlen çäreler sebäpli wideokonferensiýa arkaly geçirlen maslahatda Siriýada 10 ýyldan bäri dowam edýän içerki uruş we başdan geçirilýän soňky wakalar ara alnyp maslahatlaşyldy.

Maslahatda, Siriýanyň İdlib welaýatyna ynsanperwer kömeginiň berilmegi, bosgun meselesi, Liwiýadaky soňky ýagdaý, koronawirusa garşy göreşde bilelikde hereket edilmegi, ÝB-niň ýagdaýy we Türkiýe bilen ÝB-niň arasyndaky gatnaşyklar ara alnyp maslahatlaşyldy.

Prezident Erdogan maslahat hakynda Twitterden beren beýanatynda “Koronawirusa garşy göreş, Idlibde başdan geçirilýän soňky wakalar, Siriýa krizisi we bosgun meselesi bilen Türkiýe bilen ÝB-niň arasyndaky gatnaşyklar ýaly birnäçe mesele hakynda pikir alyşdyk” diýdi.

Prezident Erdogan beýanatynda “Sebitara we halkara derejesinde başdan geçirilýän ynjyk döwürde has ýakyndan hyzmatdaşlyk edip, kynçylyklarymyzy gysga wagtda çözmek üçin tagalla etmäge dowam ederis”diýdi.

Britaniýanyň Premýer ministri Boris Jonson hem “Liderler, Asada tabynlykdaky güýçler we tarapdarlary sebäpli emele gelen gumanitar krizisi, Siriýada we Siriýanyň başynda ynsanlaryň köpçülikleýin ýagdaýda ýerlerini terk etmegine sebäp bolan wakalary ýazgardy” diýildi.

Kowid-19 meselesiniň hem serjerlendigi nygtalan beýanatda, liderleriň pandemiýa garşy halkara derejesinde görüljek çärelere goldaw berilmegi we pandemiýanyň ykdysady taýdan ýetirjek ýaramaz täsirlerini gowşatmagyň ähmiýeti babatynda şol bir garaýa eýedigi nygtaldy.