Diýarbakyrdaky eneleriň nobaty baýram güni hem dowam etdi

Diýarbakyrdaky eneleriň ekstremist terror guramasy PKK tarapyndan ogurlanan çagalaryna gowuşmak umydy bilen Halklaryň Demokratik Partiýasynyň (HDP) welaýat merkeziniň öňünde geçirýän nobatlary 8-nji mart Halkara Zenanlar gününde hem dowam etdi.

Çagalarynyň ogurlanmaklarynyň jogapkäriniň HDP-digini aýdýan eneleriň, partiýanyň welaýat merkeziniň öňünde 2019-njy ýylyň 3-nji sentýabrynda başladan nobatlary 188 gün bäri dowam edýär.

Nobata gatnaşmak üçin Hakkari welaýatynyň Şemdinli etrabyndan gelen eje Esmer Koç, gyzy Zübeýdanyň 2013-nji ýylda HDP-liler tarapyndan ogurlanandygyny habar berdi.

“Gyzym PKK-a terror guramasyna satyldy. 7 ýyl gözlemedigim ýer, soramadygym adam galmady” diýip bellän Esmer Koç: “Gyzym, sen meni görýän bolsaň, eşidýän bolsaň esgerlerimize we döwletimize boýun eg. Olar seni aldatdy, satdy. Ol zalymlaryň elinden gaçyp, gel. Men Diýarbakyrda, seni alman gitmerin” diýip nygtady.