Terror guramasy PKK-a garşy “Gapan-6 Zori” operasiýasy başlady

Türkiýäniň Içeri işler ministrligi tarapyndan berilen beýanatda, Diýarbakyr we Batman welaýat Žandarma güýçleriniň serkedelik etmeginde, “Gapan-6 Zori” atly operasiýanyň başlandygy mälim edildi.

Zori diýilen ýerde saklanýandygy çak edilýän terrorçylary täsirsiz ýagdaýa getirmek maksady bilen başladylan operasiýada, Žandarma komandos güýçleri, Žandarmanyň ýöriteleşdirilen toparlary, Polisiýa gullugynyň ýöriteleşdirilen toparlary we Howpsyzlyk goragçy toparlaryndan ybarat jemi 1440 harbynyň, 95 operatiw işgäriň gatnaşýandygy aýan edildi.

Beýanatda, ýurdyň öz içinde terrorçylary dolulygyna ortadan aýyrmak maksady bilen geçirilýän Gapan atly operasiýalarynyň raýatlaryň goldawy bilen tutanýerli ýagdaýda dowam etdirilýändigi habar berildi.