Siriýanyň Idlib sebitinde şehit bolan adamlaryň sany 6-a ýetdi

Türkiýäniň Milli Goranmak ministrligi, Idlib sebitinde Asada tabynlykdaky güýçleriň hüjüminde ýaralanan ýene-de 1 esger bilen 1 raýat işgäriniň şehit bolandygyny habar berdi.

Ministrlik tarapyndan berilen ýazmaça beýanatda, Idlibde çaknyşyklaryň öňüniň alynmagy maksady bilen sebite ugradylan Türkiýäniň Ýaragly güýçleriniň düzümindäki goşmaça harby güýje, Asada tabynlykdaky güýçler tarapyndan hüjüm guralandygy ýatladyldy.   

Hüjümde ýaralanan ýene-de 1 esger bilen 1 raýat işgäriniň edilen ähli tagallalara garamazdan şehit bolandygy aýdylýan beýanatda, wakada şehit bolanlaryň sanynyň 6-a ýetendigi habar berildi.

Kanuny garşylyk görkezmegiň çäginde anyklanan nyşanalara od açylmaga dowam edilýändigi aýdylýan beýanatda: “Şehit bolan we ýaralanan esgerlerimiziň gany ýerde galmaz, bu hyýanatçylykly hüjümi guranlardan jogaby soralar we şuňa meňzeş hüjümlere garşy iň berk ýagdaýda jogap gaýtarylyp, hüjüm guralar. Bizi çuňňur gynandyran we gam-gussa bogan bu wakada ýogalan eziz şehitlerimize Alladan rehnet, gussaly maşgalasyna, Türkiýäniň Ýaragly güýçlerine we beýik türk milletine gynanç we sabyr dileýäris” diýip mälim edildi.