Operasiýalar netijesinde terror guramasynyň hataryndan gaçýan terrorçylaryň sany köpelýär

Siriýanyň demirgazygyndan gaçan ekstremist terror guramasy PKK/ÝPG-ä agza 3 terrorçy howpsyzlyk güýçlerine boýun egdi.

Milli Goranmak ministrliginden berlen beýanatda, howpsyzlyk güýçleriniň guraýan operasiýalary netijesinde terror guramasy PKK-nyň hataryndan gaçýan terrorçylaryň sanynyň köpelýändigi nygtaldy.

Beýanatda soňky gezek Siriýanyň demirgazygyndan gaçan ekstremist terror guramasy PKK/ÝPG-ä agza ýene-de 3 terrorçynyň Mardin/Nusaýbin we Kyzyltepe gümrük geçelgelerinde howpsyzlyk güýçlerine boýun egendigi bellenildi.

Beýleki tarapdan Penje-3 operasiýasynyň çäginde Yragyň Haftanin etrabynda terrorçylykly hüjüm guramak üçin taýarlyk görýän 2 terrorçynyň howa güýçleriniň goldaw bermeginde geçirlen operasiýada täsirsiz ýagdaýa getirlendigi nygtaldy.