Prezident Erdogan Türkiýä gaýdyp geldi
Türkiýäniň Prezidenti Rejep Taýýip Erdogan, Türkiýe-Serbiýa Ýokary derejeli hyzmatdaşlyk geňeşiniň 2-nji maslahatyna gatnaşmak maksady bilen giden Serbiýadan Türkiýä gaýdyp geldi
Prezident Erdogany we ýanyndaky wekiliýeti getiren "TC-TUR" uçary, Türkiýäniň wagty bilen sagat 21:50-de Ankara Esenboga howa menziline gondy.
Erdogany howa menzilinde Wise-prezident Fuat Oktaý, Içeri işler ministri Süleýman Soýlu, Ankaranyň gubernatory Wasip Şahin we Ankaranyň Içeri işler edarasynyň müdüri Serwet Ýylmaz garşylady.
Erdogan bilen aýaly Emine Erdogan, Gazna we Maliýe ministri Berat Albaýrak, Milli Goranmak ministri Hulusi Akar, Oba hojalyk we Tokaýçylyk ministri Bekir Pakdemirli, Transport we Infrastruktura ministri Mehmet Jahit Turhan, Prezidentiň ýanyndaky Komunikasiýa edarsynyň başlygy Fahrettin Altun we Prezidentiň Metbugat sekretary Ibrahim Kalyn Ankara geldi.
Degişli Habarlar
Yragyň demirgazygynda bir esger şehit boldy
Yragyň demirgazygyndaky Penje-Gulp operasiýasy sebitinde 1 esger şehit boldy
