Prezident Erdogan arçynlar bilen duşuşdy

Erdogan Prezidentiň Kompleksindäki Sergi zalynda geçirilen Arçynlaryň 49-njy maslahatynda çykyş etdi.

Şenbe güni täze dolanşyk ulgamynyň ilkinji býujetiniň TBMM-de kabul edilendigini aýdan Erdogan, bilime, saglygy goraýyşa we infrastruktura has köp çeşme bölüp aýyrandyklaryny habar berdi.

Türkiýäniň soňky ýyllarda uly bir durnuklylyga gowuşandygyny aýdan Erdogan: “16 ýyl ozal Türkiýede 25 howa menzili bardy, häzirki wagtda bolsa 56 howa menzilimiz bar. Uniwersitet bolmaýan welaýat ýok” diýdi.

Çykyşynda jebislik we raýdaşlyk ýüzlenmesini beren Erdogan: “Millet hökmünde bir bolarys, baýdagymyzy asla ýere düşürip bilmezler. Bu Watanyň territoriýasyny şu güne çenli bölüp bilmediler, böldürmeris” diýip nygatdy.