Saud Arabystanynyň Ankaradaky ilçisi Daşary işler ministrligine çagyryldy

Türkiýäniň Daşary işler ministrligi, Saud Arabystanynyň Ankaradaky Adatdan daşary we doly ygtyýarly ilçisi Welid bin Abdulkerim El-Hireýjini düýn ministrlige çagyryp, dereksiz ýiten saud arabystanly žurnalist Jemal Kaşykçy bilen bagly derňew işine doly ýagdaýda hyzmatdaşlyk etmäge çagyrylýandygy özüne ýetirildi.

Diplomatik çeşmelerden alynan maglumata görä, Daşary işler ministriniň orunbasary Sedat Önal, Saud Arabystanynyň Ankaradaky Adatdan daşary we doly ygtyýarly ilçisi Welid bin Abdulkerim El-Hireýjini düýn ministrlige çagyrdy.

Diplomatik çeşmeler duşuşykda El-Hireýjä, žurnalist Jemal Kaşykçy bilen bagly geçirilýän derňewde doly ýagdaýda hyzmatdaşlyk etmäge çagyrylýandygy bellendi.

Jemal Kaşykçynyň sişenbe güni soňky gezek duşuşan adamsy bolan halaşýan gyzy H.A. žurnalistlere beren beýanatynda, Baş konsullyk binasynyň öňüne çenli bilelikde gelendiklerini habar berip, Kaşykçynyň binanyň içine gireninden soň daşary çykmandygyny öňe sürdi.

Ady agzalan öňe sürmeleriň nädogrydygyny aýdan Saud Arabystanynyň Stambuldaky Baş konsullygy, Kaşykçynyň konsullyga gelendigini, emma soň ol ýerden çykandygyny habar berdi.