"Idlib ylalaşygy bilen täze göç tolkunynyň öňü alyndy"

Daşary işler ministri Mewlüt Çawuşogly Gollandiýanyň Daşary işler ministri Stef Blok bilen Türkiýäniň Radio-telewideniýe guramasy TRT tarapyndan “Böleklere bölünen dünýäde howpsyzlygyň we parahatçylygyň ýaňadandan dikeldilmegi” temasy bilen geçirilýän TRT World Foruma gatnaşdy.

Ministr Çawuşogly forumda sözlän sözünde böleklere bölünen dünýäde terrorizmiň, bikanun göçüň we gumanitar krizisiň ýaýbaňlanýandygyny nygtady.

Halkara guramalaryň hakyky howplara garşy göreşden netije alyp bilmeýändigini aýdan Çawuşogly her bir adam üçin howpsyzlygyň we parahatçylygyň üpjün edilmegi üçin halkara guramalaryň täsiriniň güýçlendirilmelidigine ünsi çekdi.

BMG-nyň adamzada hyzmat etmek üçin halkara jogapkärçiligini ýerine ýetirmelidigini aýdan Çawuşogly, BMG-nyň halkara krizisleriň çözülmeginde esasy rol oýnamagy üçin düzümine üýtgetmeli girizilmelidigini ýatlatdy.

Daşary işler ministri Mewlüt Çawuşogly “Ruslar bilen Siriýanyň Idlib welaýatynda ýaragsyz zolagyň döredilmegi meselesinde gazanylan ylalaşyga laýyklykda uly betbagtçylygyň öňü alynmak bilen birlikde şol bir wagtda Türkiýä hemde Ýewropa abanýan täze göç tolkunynyň  öňü alyndy. Indi nobat syýasy çözgüt etaba geldi. Idlib meselesinde ylalaşyk gazanylmadyk bolsady bu etaba gelip bilmezdik. Ähli hyzmatdaşlarymyzy syýasy etapda esasy rol oýnamaklary üçin höweslendirýäris” diýdi.

Ministr Çawuşogly Yrakdaky saýlawlara hem ünsi çekdi “Hökümetiň gurulmaygyndan soň Yrakdaky täze hökümetiň ekstremist terror guramasy PKK we DAIŞ bilen birlikde beýleki terror guramalaryna garşy alyp barjak göreşine goldaw bermelidiris”diýip belledi.

Çawuşogly Ýemende we Liwiýada hem halkara goldawyň diýseň möhümdigini nygtady.