Çawuşogly: “Türkiýe Ukrainanyň territorial bütewiligini goldaýar” diýdi

Türkiýäniň Daşary işler ministri Mewlüt Çawuşogly Türkiýäniň hemişe Ukrainanyň serhediniň we territorail bütewiliginiň tarapdary bolandygyny we özygtyýarlylygyny goldandygyny belläp: “Krym dawasyny hiç haçan ýatdan çykarmadyk, ýatdan çykarmarys. Krymyň basylyp alynmagyny kabul etmedik, kabul etmeris” diýdi.

Çawuşogly Ukrainanyň Daşary işler ministri Pawel Klimkin we Krym tatar türkleriniň lideri, Ukrainanyň deputaty Mustafa Abdüljemil Kyrymogly we Krym türkleri medeniýet we raýdaşlyk jemgyýeti tarapyndan berilen agzaçara gatnaşdy.

Daşary işler ministri Çawuşogly Krym tatarlarynyň Türkiýäni Türkiýe eden dogan, urugdaş we raýatlardygyny belledi.

Mewlüt Çawuşogly Günbatarly we Ýewropaly käbir ýurtlaryň Krymy ýatdan çykarmaga başlandygyny nygtap: “Olara şulary ýatlatmak isleýärin: Şu günki gün Krymy ýatdan çykarsaňyz, ertirki günde Ukrainanyň başyna islendik bir zat gelse, jogapkäri siz bolarsyňyz” diýdi.