Fikri Yşyk TRT-e möhüm beýanatlar berdi
Wise-premýer Fikri Yşyk ABŞ-nyň Siriýanyň Manbij etraby bilen bagly beren sözünde durmalydygyny belledi
TRT-de myhmançylykda bolan Fikri Yşyk terrora garşy göreş babatynda möhüm beýanatlar berdi.
Yşyk ABŞ-nyň DAIŞ bahanasy bilen Siriýanyň Manbij sebitine terror guramasy PKK/PÝD-ÝPG-e agza terrorçylary ýerleşdirendigini, DAIŞ-den soň terrorçylaryň sebiti boşaltjakdygy barada söz berendigini ýatlatdy.
Fikri Yşyk: “Manbij meselesi örän aýdyň bir mesele. ABŞ-nyň häzirki Prezidenti Donald Tramp we ozalky Prezident Barak Obama Prezident R.T. Erdogana biz Manbijden PKK/PÝD-ÝPG-ni çykararys diýip birnäçe gezek söz berdiler” diýip habar berdi.
Yşyk: “Eger söz berilen bolsa, sözüň arkasynda durulmaly, sözüň arkasynda durulmasa iki hyzmatdaş ýüz-ýüze geler. Bu ýagdaý bolsa Türkiýäniňem, ABŞ-nyňam islejek bir ýagdaýy däl” diýdi.
Yşyk Türkiýäniň Yragyň Sinjar sebitindäki terrorçylaryň ýerlerine garşy 1926-njy ýylda baglaşylan Ankara şertnamasyna laýyklykda operasiýa geçirmek hukugynyň bardygyny mälim etdi.
PKK-nyň dowamly häsýetde adyny üýtgedip, özüni gizlemäge synanyşýandygyny aýdan Yşyk guramanyň Sinjarda ÝBŞ adyny ulanýandygyny belledi.
Yragyň merkezi hökümetiniň terrora garşy göreş meselesinde gerek bolan çäräni görmelidigini aýdan Yşyk: “Yragyň hökümetinden Türkiýä wehim salýan ähli terrorçylary saplamagyna garaşýarys” diýdi.
Degişli Habarlar
Türkiyäniň Afrika diplomatiýasy Günbataryň gün tertibinde
Analizde Afriakda täsirli bolan iň uly güýjiň Türkiyedigi beýan edildi
Türkiyäniň Baş ştabynyň başlygy BAE-li kärdeşi bilen duşuşyk geçirdi
Kärdeşler dabaradan soň metbugata ýapyk häsýetde ikiçäk we toparara duşuşyklar geçirdi