“Operasiýa diňe sebiti terrorçylardan saplamak maksady bilen başladyldy”
Türkiýäniň Prezidenti Erdogan Siriýanyň Afrin sebitinde alynyp barylýan Zeýtun şahajygy operasiýasynyň diňe terrorçylardan saplamak maksady bilen başladylandygyny beýan etdi
![“Operasiýa diňe sebiti terrorçylardan saplamak maksady bilen başladyldy”](http://cdn.trt.net.tr/images/xlarge/rectangle/7a06/8063/88f0/5aa13a58a83d5.jpg?time=1719157676)
Prezident Erdogan Beştepe Medeniýet we kongresler merkezinde Maşgala we sosial syýasatlar ministrliginiň Bütindünýä Zenanlar gününe bagyşlap geçiren çäresinde eden çykyşynda Türkiýäniň Ýaragly güýçleri tarapyndan 20-nji ýanwarda başladylan Zeýtun şahajygy operasiýasynda häzirki wagta çenli täsirsiz ýagdaýa getirilen terrorçylaryň sanynyň 3089-a ýetendigini habar berdi.
Jarablus ýaly Afriniň hem terrorçylardan saplanyp eýelerine beriljekdigini aýdan Erdogan: “Afrinede azyndan 140-150 müň, belkem 200 müň adam yzyna gaýdyp barar. Ol ýerdäki takmynan 2 müň ind kilometrlik ýeri dolulygyna gözegçilik astyna alanymyzdan soň, ol ýere afrinli doganlarymyz ýerleşer. Biz basyp alyjylyk üçin girmedik ol ýere” diýdi.
Operasiýalaryň maksatlarynyň bellidigini we durmajakdygyny aýdan Erdogan: “Amerika, Günbatar bu ýerde siziň näme işiňiz bar? Biziň 910 km serhedimiz bar. Dowamly häsýetde hüjüme sezewar bolýarys. 20 sany baza gurupsyň, Siriýanyň demirgazygynda şonça baza nämä gerek? 5 müň ýük ulaglyk ýarag getirdiň, kime garşy ulanylar olar? DAIŞ-i sapladyk diýýärsiň, onda bu ýaraglar kime garşy ulanyljak? Ýogsam bular biz üçin getirdiňmi bulary? Bizi bular ýaly tehnologiýa, olar gorkutmaz” diýdi.
Degişli Habarlar
![Yragyň demirgazygynda bir esger şehit boldy](http://cdn.trt.net.tr/images/medium/rectangle/d70c/b012/6827/6675746308657.jpg?time=1719157677)
Yragyň demirgazygynda bir esger şehit boldy
Yragyň demirgazygyndaky Penje-Gulp operasiýasy sebitinde 1 esger şehit boldy